Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Ole Ndị Na-eme Uche Jehova Taa?

 Isi nke 25

Gịnị Mere Ndịàmà Jehova Ji Arụ Ụlọ Nzukọ Alaeze? Oleekwa Otú E Si Enweta Ego E Ji Arụ Ha?

Gịnị Mere Ndịàmà Jehova Ji Arụ Ụlọ Nzukọ Alaeze? Oleekwa Otú E Si Enweta Ego E Ji Arụ Ha?

Bolivia

Naịjirịa, otú ọ dị mbụ na otú ọ dị ugbu a

Tehiti

Ụlọ Nzukọ Alaeze bụ ebe anyị na-anọ efe Jehova. Ihe bụ́ isi e ji Baịbụl akụziri anyị ebe ahụ bụ Alaeze Chineke. Ọ bụ alaeze ahụ ka Jizọs ji mere isiokwu ozi ọma ya mgbe ọ nọ n’ụwa.—Luk 8:1.

A na-anọ ebe ahụ ahazi ozi ọma anyị na-ezi. Ụlọ Nzukọ Alaeze bụ ebe Ndịàmà Jehova na-anọ ahazi ozi ọma ha na-ezi n’obodo ha. (Matiu 24:14) Ha niile anaghị aha otu, e nwekwara otú dị iche iche e si arụ ha. Ma, o nweghị nke n’ime ha na-ebu oké ibu. Ihe karịrị otu ọgbakọ na-amụkwa ihe n’ọtụtụ n’ime ha. Anyị arụọla ọtụtụ puku Ụlọ Nzukọ Alaeze na nso nso a n’ihi otú e si na-enwe ọtụtụ ọgbakọ ọhụrụ. A na-arụ ihe dị ka ise n’otu ụbọchị. Olee otú anyị si enweta ego anyị ji arụ ha?—Matiu 19:26.

E ji ego e nyere n’onyinye arụ ha. N’Ụlọ Nzukọ Alaeze ọ bụla, e nwere igbe e dere Kingdom Hall Construction Worldwide. A na-ezigara alaka ụlọ ọrụ ego ọ bụla a hụrụ n’ime ya. Ha ga-ejizi ya nyere ọgbakọ ọ bụla chọrọ ịrụ Ụlọ Nzukọ Alaeze aka ma ọ bụkwanụ nyere ndị nke chọrọ ịrụzi nke ha mebiri emebi aka. Ha anaghịkwa ana ha ọmụrụ nwa.

Ọ bụ ndị ọrụ a na-anaghị akwụ ụgwọ na-arụ ha. N’ọtụtụ mba, e nwere ndị a na-akpọ Ìgwè Ndị Na-ewu Ụlọ Nzukọ Alaeze. Ndị a nwere aka ọrụ dị iche iche. Ụfọdụ n’ime ha si n’ezinụlọ nwere ego, ụfọdụ esiri n’ezinụlọ ndị ogbenye. Ha na-aga ọtụtụ ebe ná mba ha, na-arụrụ ọgbakọ dị iche iche Ụlọ Nzukọ Alaeze. Ha na-agadị n’ime ime obodo. N’ebe ọ bụla ha ruru, ha na-akụziri ụmụnna ndị bịara ọrụ otú e si arụ ihe ụfọdụ ha na-arụ. Ná mba ndị ọzọ, e nwere kọmitii ndị na-ahụ maka ịrụ Ụlọ Nzukọ Alaeze na ịrụzi nke mebiri emebi. A na-agwa kọmitii nke ọ bụla ebe ha ga na-arụ ọrụ. N’ọgbakọ ọ bụla a bịara ịrụrụ Ụlọ Nzukọ Alaeze, a na-enwe okenye ga na-enyere ha aka ruo mgbe a rụchara ọrụ ahụ. Okenye ahụ na-abụ onye ma nke a na-akọ n’ịrụ ụlọ. Ụmụnna ndị nwere aka ọrụ na-ewepụtakwa onwe ha nye aka. N’ebe ọ bụla a na-arụ Ụlọ Nzukọ Alaeze, ọ bụ ụmụnna ndị a na-arụrụ ya na-aka ná ndị ọrụ. Otú ha si eji obi ha niile arụ ọrụ na-eme ka ha rụchaa ọrụ ahụ. Mmụọ Jehova na-enyekwara ha aka.—Abụ Ọma 127:1; Ndị Kọlọsi 3:23.

  • Gịnị mere anyị ji akpọ ebe anyị na-anọ amụ ihe Ụlọ Nzukọ Alaeze?

  • Olee otú anyị si enweta ego anyị ji ewu Ụlọ Nzukọ Alaeze n’ụwa niile?

GỤKWUO GBASARA YA

ỌMỤMỤ IHE

Gịnị Ka A Na-eme n’Ụlọ Nzukọ Alaeze?

Lee vidio a ka ị hụ ihe a na-eme na ya.

OLE NDỊ NA-EME UCHE JEHOVA TAA?

Olee Otú Anyị Si Amụ Ihe?

Ì chetụla ihe anyị na-eme n’ọmụmụ ihe anyị? Ọ bụrụ na ị bịa ọmụmụ ihe anyị, otú a ga-esi akụziri gị Baịbụl ga-amasị gị.