Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Akwụkwọ Mgbaafọ Ndịàmà Jehova nke Afọ 2014

 SIERA LION NA GINI

“Ị Gaghị Agaru Ya Otu Afọ Nwụfuo”

Zachaeus Martyn

“Ị Gaghị Agaru Ya Otu Afọ Nwụfuo”
  • MGBE A MỤRỤ YA n’Afọ 1880

  • MGBE O MERE BAPTIZIM n’Afọ 1942

  • ONYE Ọ BỤ Ọ malịtere ọrụ ịsụ ụzọ oge niile mgbe ọ dị afọ iri asaa na abụọ.

E NWEGHỊ onye ya na Zachaeus mụrụ Baịbụl tupu ya amalite ịbịa ọmụmụ ihe. Ọ bịawara ọmụmụ ihe mgbe ọ gụchara akwụkwọ abụọ Ndịàma Jehova bipụtara. Aha otu bụ Salvation, nke ọzọ abụrụ The Harp of God. Akwụkwọ ndị a mere ka o doo ya anya na ya ahụla ndị na-akụzi eziokwu dị na Baịbụl.

N’otu ụtụtụ Sọnde, n’afọ 1941, Zachaeus gawara ọmụmụ ihe Ndịàmà Jehova. Nke a bụ nke mbụ ọ na-aga ọmụmụ ihe Ndịàmà Jehova. Isi n’ụlọ ya ruo n’ebe Ndịàmà Jehova na-amụ ihe dị kilomita asatọ. Ọ ga-akpọda otu nnukwu ugwu mgbe ọ na-aga. O rutere n’ebe ahụ awa ole na ole tupu oge ọmụmụ ihe eruo maka na ọ maghị oge ọmụmụ ihe ji ebido. Ọ nọdụrụ ala otu ebe na-eche ka ụmụnna bịa. Mgbe ọ gachara ọmụmụ ihe Sọnde ugboro atọ n’Ụlọ Nzukọ Alaeze, ọ gwara ndị chọọchị Anglịkan ka ha wepụ aha ya n’akwụkwọ ha n’ihi na ya abụkwaghị onye òtù ha.

Otu ezigbo enyi ya kparịrị ya. Ọ gwara ya, sị: “Okongwu, lee ka m gwa gị, ọ bụrụ na i sie ọnwụ na-arị ugwu a, na-arịda, ebe ị na-aga ọmụmụ ihe Ndịàmà Jehova, ị gaghị agaru ya otu afọ nwụfuo.” Nwoke ahụ nọ ndụ hụ Zachaeus ka ọ na-arị ugwu ahụ, na-arịda ugboro abụọ n’izu ruo afọ ise. Ma nwoke ahụ nwụrụ mgbe afọ ise ahụ gachara. Mgbe ọ nwụchara, afọ iri abụọ na ise agaakwa, Zachaeus ka na-awụ gam gam.

Zachaeus jegideere Jehova ozi ruo ọnwụ. Ọ nwụrụ mgbe ọ gbara afọ iri itoolu na asaa.