Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Akwụkwọ Mgbaafọ Ndịàmà Jehova nke Afọ 2014

Siera Lion na Gini

Siera Lion na Gini

IHE dị ka narị afọ ise gara aga, e nwere otu obere osisi apụ (nke a na-akpọkwa osisi akpụ) pulitere n’akụkụ Osimiri Siera Lion. Osisi a mechara too ma ghọọ nnukwu osisi. E si n’okpuru ya kpụrụ ndị ohu n’ahịrị na-agafe ruo narị afọ atọ. Ndị na-agba ahịa ohu bugara ma ndị nwoke ma ndị nwaanyị ma ụmụaka ruru ihe dị ka otu narị puku na puku iri ise n’ebe a na-ere ndị ohu ná mba ọzọ. Obi tara ndị ahụ na-agba ahịa ohu mmiri.

Osisi Apụ ahụ dị na Fritaụn

 N’abalị iri na otu n’ọnwa Mach n’afọ 1792, ọtụtụ ndị ohu e si n’Amerịka bughachi Afrịka nọ n’okpuru Osisi Apụ ahụ mee ememme ha ji na-echeta otú ha si nwere onwe ha. N’ụbọchị ahụ, ha malitere ibi ebe a kpọrọ Fritaụn. Aha obodo a pụtara ndị nweere onwe ha. Ọ dabakwara adaba n’ihi na ndị ohu ahụ nọ na-atụ anya mgbe ha ga-enwere onwe ha. Ugbu a kwa, ha enwerela onwe ha. A nọkwa na-akpọta ndị bụ́bu ndị ohu n’obodo a ruo mgbe a bịara nwee ihe karịrị otu narị agbụrụ ndị Afrịka n’ebe ahụ. Ndị a bụ́bu ndị ohu kwekọrịtara na ha ewerela Osisi Apụ ahụ ka ihe gosiri na ha enwerela onwe ha, nakwa na ha enweela olileanya.

Kemgbe ihe dị ka otu narị afọ ugbu a, Ndịàmà Jehova nọ na Siera Lion na-akasi ndị mmadụ obi ma na-akọrọ ha gbasara “nnwere onwe dị ebube nke ụmụ Chineke.” Nnwere onwe a karịrị nke ahụ ndị bụ́bu ndị ohu nwere. (Rom 8: 21) Ọ bụ n’Alaeze Chineke ka ndị mmadụ ga-enwere onwe ha n’eziokwu. Alaeze ahụ chịwa ụwa, ụwa niile ga-aghọ Paradaịs, udo ga-adị ebe niile, mmehie na ọnwụ agaghịkwa adị.—Aịza. 9:6, 7; 11:6-9.

Kemgbe ihe karịrị iri afọ ise ugbu a, alaka ụlọ ọrụ Ndịàmà Jehova dị na Siera Lion na-elekọta ozi ọma Ndịàmà Jehova nọ na Gini na-ekwusa. E nweela ọtụtụ nsogbu kpara ma ọchịchị obodo Gini ma akụnụba ya ma ndị mmadụ aka ọjọọ. Ọ bụ ya mere ọtụtụ ndị obodo ahụ ji na-anabata ozi ọma Ndịàmà Jehova si na Baịbụl na-ekwusara ha. Ozi ọma a na-akasikwa ha obi.

E nwere ọtụtụ nsogbu n’obodo Siera Lion na Gini. E nwere ọtụtụ ndị ogbenye ọnụ ntụ, nwee ndị na-amaghị otú e si agụ na otú e si ede, nweekwa ndị bu omenala n’isi. E nwekwara ndị na-emekpọ ibe ha ọnụ. Ndị mmadụ ahụghịkwa ibe ha n’anya n’ihi na ha esighị n’otu agbụrụ. N’agbanyeghị nsogbu a niile, Ndịàmà Jehova nọ n’obodo abụọ a ka na-ekwusara ndị mmadụ ozi ọma. Akụkọ ndị anyị na-aga ịkọ banyere Ndịàmà Jehova nọ na Siera Lion na Gini gosiri na okwukwe ha ka bụ a kwaa akwụrụ, gosikwa na ha ka na-erubere Jehova isi n’agbanyeghị nsogbu ndị ahụ. Obi siri anyị ike na akụkọ a ga-eru gị n’obi ma mee ka okwukwe i nwere na Chineke sikwuo ike, n’ihi na Baibụl kwuru na Chineke bụ “onye na-enye olileanya.”—Rom 15:13.

IN THIS SECTION

Ihe Ndị Ị Ga-eburu n’Uche Gbasara Siera Lion na Gini

Gụọ ihe gbasara ndị Siera Lion na ndị Gini. Gụọkwa gbasara okpukpe ha, na asụsụ ha.

1915-​1947 Mgbe A Malitere Ikwusa Ozi Ọma na Siera Lion Nakwa na Gini (Agba nke Mbụ)

N’afọ 1915, otu Onyeàmà Jehova bịara biri na Fritaụn. Ọ bụ ya bụ Onyeàmà Jehova mbụ bịara ebe ahụ. Ọtụtụ ndị chọrọ ịmụ Baịbụl.

1915-​1947 Mgbe A Malitere Ikwusa Ozi Ọma na Siera Lion Nakwa na Gini (Agba nke Abụọ)

Ndị ụkọchukwu kpara nkata ka ha mechie ndị Chineke ọnụ, ma Jehova ‘ji ọdachi nke ha laa ha n’iyi.’

1915-​1947 Mgbe A Malitere Ikwusa Ozi Ọma na Siera Lion Nakwa na Gini (Agba nke Atọ)

Ọgbakọ Fritaụn malitere “ikwusasi okwu Chineke ike”

“Ị Gaghị Agaru Ya Otu Afọ Nwụfuo”

Zachaeus Martyn na-arị ugwu, na-arịda ugboro abụọ n’izu iji gaa ọmụmụ ihe Ndịàmà Jehova. Ọ na-aga kilomita asatọ n’ụkwụ. Olee ihe kara ya obi o ji kweta na ya amatala eziokwu dị na Baịbụl?

Ha Na-akpọ Ya “Bible” Brown

William R. Brown kwusara ozi ọma n’ọtụtụ ebe n’agwaetiti Karịbian nakwa n’obodo ndị dị n’Ebe Ọdịda Anyanwụ Afrịka. Gụọ ka ị mata ihe mere o ji kwere na o nweghị ihe karịrị mmadụ iji ndụ ya jeere Jehova ozi.

‘Ime Ka Ọtụtụ Mmadụ Bụrụ Ndị Ezi Omume’ n’Afọ 1945 Ruo n’Afọ 1990​—⁠Dan. 12:⁠3. (Agba nke Mbụ)

A ga-aga ọtụtụ ebe zie ndị mmadụ ozi ọma. E zigara ndị ozi ala ọzọ ka ha gaa nyere ndị mmadụ aka ịmụta eziokwu dị na Baịbụl.

Ha Chọrọ Ile Ya

N’afọ 1956, ụmụnna nọ na Fritaụn dị na Siera Lion lere fim a na-akpọ The New World Society in Action. È nwere ndị ọzọ ga-ekwe ịbịa lee ya?

‘Ime Ka Ọtụtụ Mmadụ Bụrụ Ndị Ezi Omume’ n’Afọ 1945 Ruo n’Afọ 1990​—⁠Dan. 12:⁠3. (Agba nke Abụọ)

Ndị Siera Lion ma na ndị di na nwunye bụ́ Ndịàmà Jehova anaghị agba n’èzí.

‘Ime Ka Ọtụtụ Mmadụ Bụrụ Ndị Ezi Omume’ n’Afọ 1945 Ruo n’Afọ 1990​—⁠Dan. 12:⁠3. (Agba nke Atọ)

Gịnị mere ndị òtù Poro so ná Ndị Omeiwu ji kwuo ka a machie Ndịàmà Jehova ịna-ekwusa ozi ọma?

Òtù Nzuzo

Olee otú òtù nzuzo ndị dị n’Ebe Ọdịda Anyanwụ Afrịka si emetụta ndụ ụmụ nwoke na ụmụ nwaanyị nọ n’òtù ndị ahụ?

‘Ime Ka Ọtụtụ Mmadụ Bụrụ Ndị Ezi Omume’ n’Afọ 1945 Ruo n’Afọ 1990​—⁠Dan. 12:⁠3. (Agba nke Anọ)

Ọgbakọ haziri klas a na-amụ otú e si agụ maka inyere ndị ọzọ aka ịmụtakwu Baịbụl. Ka ọtụtụ na-amụtakwu ka e si agụ, ọ bịara dị mkpa ka a sụgharịa akwụkwọ anyị n’asụsụ ha.

Baajị Mgbakọ Ha Bụ “Akwụkwọ Ikike” Ha Ji Gafere

Olee otú ndị si mba ọzọ gaa mgbakọ na Gini si bata Gini n’ejighị akwụkwọ ikike?

Jehova Enyerela M Ezigbo Aka

Jay Campbell, onye ọrịa polio kpọnwụrụ ụkwụ, chọrọ ịga Ọmụmụ Baịbụl Ọgbakọ. Ọ sịrị na ya ga-eji ihe ya ji aga ije gaa ọmụmụ ihe ahụ. Ọ̀ garuru agaru?

‘Ihe Isi Ike Kpụ Ọkụ n’Ọnụ’ n’Afọ 1991 Ruo n’Afọ 2001​—⁠Aịza. 48:10 (Agba nke Mbụ)

N’agbanyeghị na a na-alụ agha, Ndịàmà Jehova nọ na-enye ụmụnna ha na ndị ọzọ ihe e ji ebi ndụ, na-ejikwa Baịbụl akasi ha obi. Gịnị nyeere ha aka ịkata obi n’oge ahụ ihe siiri ha ike?

‘Ihe Isi Ike Kpụ Ọkụ n’Ọnụ’ n’Afọ 1991 Ruo n’Afọ 2001​—⁠Aịza. 48:10 (Agba nke Abụọ)

N’agbanyeghị agha a nọ na-alụ, Ndịàmà Jehova “nọ na-akụzi ihe n’akwụsịghị akwụsị, [na-ezisakwa] ozi ọma.”

Esi M na Nwata Bụrụ Onye Agha, Ma Ugbu A, Abụ M Ọsụ Ụzọ Oge Niile

Otu nwa okorobịa bụ́ onye agha nnupụisi chetara otú Ndịàmà Jehova si nabata ya nke ọma mgbe ọ gara ọmụmụ ihe ha. Gịnị mere o ji gbanwee ndụ ya?

Anyị Gbanahụrụ Ndị Agha Nnupụisi

N’afọ 1991, mgbe agha biiri ọkụ, ala ana-agba ghara ghara na Pendembu, ana-egbukwa ndị mmadụ n’ike n’ike, gịnị mere e gbughị Ndịàmà Jehova ụfọdụ?

Nwoke Ụlọ Nche

N’oge a na-alụ agha, otu nwoke Onyeàmà Jehova na-esi Fritaụn ewega akwụkwọ ozi na Kọnakrị dị na Gini. Ọ na-esikwa na Kọnakrị buru akwụkwọ anyị lọta Fritaụn. Olee otú o si eme ya?

Ihe Ka Dayamọnd Mma

Tamba Josiah rụrụ ọrụ n’ebe a na-egwute dayamọnd tupu ya abụrụ Onyeàmà Jehova. Gịnị mere o ji chee na ya achọtala ihe ka dayamọnd mma?

Otú Ihe Si Kwụrụ Malite n’Afọ 2002 Ruo n’Afọ 2013 (Agba nke Mbụ)

Mgbe agha biri, a malitere ọtụtụ ọgbakọ ọhụrụ, na-arụ Ụlọ Nzukọ Alaeze n’ebe dị iche iche, na-ezigakwa ndị ọsụ ụzọ pụrụ iche n’ebe e nwere Ndịàmà Jehova ole na ole.

Otú Ihe Si Kwụrụ Malite n’Afọ 2002 Ruo n’Afọ 2013 (Agba nke Abụọ)

Obi siri Ndịàmà Jehova nọ na Siera Lion na Gini taa ike na ọtụtụ ndị obodo ha ka ga-abata n’ọgbakọ.

Ekpebisiri M Ike Ife Jehova

Philip Tengbeh na nwunye ya gbara ọsọ ndụ mgbe ndị agha nnupụisi batara n’obodo ha bụ́ Koindu. Ha nọ n’ogige ndị gbara ọsọ ndụ nyere ụmụnna ha aka ịrụ Ụlọ Nzukọ Alaeze ise.

Obodo Siera Lion Tọwara M Ụtọ

Cindy McIntire bụ onye ozi ala ọzọ kemgbe afọ 1992 n’Afrịka. O kwuru ihe mere izi ozi ọma na Siera Lion ji atọ ya ụtọ karịchaa.