Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

ỤLỌ NCHE SEPTEMBA 2015

 ISIOKWU ỤLỌ NCHE A | OLE NDỊ BỤ NDỊÀMÀ JEHOVA?

Olee Ụdị Ndị Ndịàmà Jehova Bụ?

Olee Ụdị Ndị Ndịàmà Jehova Bụ?

Okpukpe anyị zuru ụwa ọnụ. O nweghịkwa okpukpe ọzọ e jikọtara anyị na ya. Ọ bụ eziokwu na isi ụlọ ọrụ anyị dị n’Amerịka, ọtụtụ n’ime anyị bi ná mba ndị ọzọ. Anyị karịrị nde asatọ n’ụwa niile. Anyị na-akụziri ndị mmadụ Baịbụl n’ihe karịrị narị mba abụọ na iri atọ. Ọ bụ Jizọs kwuru ka anyị na-eme ya. Ọ sịrị na “a ga-ekwusakwa ozi ọma nke a nke alaeze n’elu ụwa dum mmadụ bi ka ọ bụrụ àmà nye mba niile.”—Matiu 24:14.

Anyị na-erubere iwu obodo ọ bụla anyị bi na ya isi. Ma, anyị anaghị eso na ndọrọ ndọrọ ọchịchị n’ihi na Jizọs kwuru na Ndị Kraịst “abụghị nke ụwa.” Ọ bụkwa ya mere na anyị anaghị akwado ihe ọ bụla gbasara ịlụ agha. (Jọn 15:19; 17:16) Mgbe a na-alụ Agha Ụwa nke Abụọ, a tụdịrị ụfọdụ Ndịàmà Jehova mkpọrọ, mekpọọ ụfọdụ ọnụ, gbuokwa ụfọdụ maka na ha ekweghị aga agha. Otu onye bụ́bu bishọp na Jamanị dere, sị: “Ọ bụ naanị ha bụ okpukpe nwere ike ikwu na akọ na uche ha ekweghị ha gaa agha n’oge ndị Nazi na-achị Jamanị.”

“[Ndịàmà Jehova] na-akpa àgwà ọma. Ha anaghị achọ ihe ga-abara naanị ha uru. Ọ bụ ụdị ndị dị ka ha kwesịrị ịnọ n’isi ọchịchị. Ma, i mekataghị hụ aka ha n’ọchịchị. . . . Ha na-erubere ndị ọchịchị isi, ma, ha kweere na ọ bụ naanị Alaeze Chineke ga-eme ka nsogbu ụmụ mmadụ bie.”—Ihe a gbara n’akwụkwọ akụkọ a na-akpọ Nová Svoboda, nke a na-ebipụta na Chek Ripọblik.

Ma, anyị anaghị asọ ndị ọzọ asọ. Jizọs rịọrọ Chineke gbasara ndị na-eso ụzọ ya, sị: “Ihe m na-arịọ gị abụghị ka ị kpọpụ ha n’ụwa.” (Jọn 17:15) Ọ bụ ya mere na i nwere ike ịhụ ebe anyị na ndị ọzọ na-arụkọ ọrụ, na-azụkọ ahịa ma ọ bụ na-agakọ akwụkwọ n’obodo anyị dị iche iche.

 

GỤKWUO GBASARA YA

Gịnị Bụ Alaeze Chineke?

Chọpụta otú Alaeze Chineke si ka ọchịchị ụmụ mmadụ mma.