Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

ỤLỌ NCHE MEE 2015

Ajụjụ Ndị Baịbụl Zara

Ajụjụ Ndị Baịbụl Zara

Gịnị bụ Ụbọchị Ikpe?

Gịnị mere ụbọchị ikpe ga-eji bụrụ oge obi ụtọ?

N’oge e dere Baịbụl, Chineke ji ndị ikpe napụta ndị ya n’aka ndị na-emegbu ha. (Ndị Ikpe 2:18) Ihe Baịbụl kwuru gosiri na Ụbọchị Ikpe ga-abụ oge obi ụtọ, oge Jehova, bụ́ Onyeikpe nke ụwa dum, ga-anapụta ụmụ mmadụ n’aka ndị na-emegbu ha.—Gụọ Abụ Ọma 96:12, 13; Aịzaya 26:9.

Chineke ahọpụtala Jizọs ka o kpee ndị nwụrụ anwụ na ndị dị ndụ ikpe n’ezi omume. (Ọrụ Ndịozi 10:42; 17:31) E nwere ọtụtụ ndị na-amaghị Chineke nwụọ. N’Ụbọchị Ikpe, Jizọs ga-akpọlite ụdị ndị ahụ n’ọnwụ ka a kụziere ha gbasara Chineke, ka ha gosikwa na ha hụrụ Chineke n’anya.—Gụọ Ọrụ Ndịozi 24:15.

Gịnị mere Ụbọchị Ikpe ga-eji nọruo otu puku afọ?

Ọ bụ n’ime otu puku afọ ahụ ka a ga-akpọlite ndị nwụrụ anwụ. (Mkpughe 20:4, 12) Ọ ga-ewetụkwa oge tupu ndị nke na-amaghị Chineke amata ya ma gosi ma hà ga-erubere ya isi. Ọtụtụ ndị na-ekwu na ọ bụ ihe mmadụ metara tupu ya anwụọ ka a ga-eji ekpe ya ikpe ma a kpọlite ya. Ma, ihe Baịbụl kwuru gosiri na ọ bụ ihe mmadụ mere mgbe a kpọlitechara ya n’ọnwụ ka a ga-eji kpee ya ikpe.—Gụọ Ndị Rom 6:7.

Baịbụl kwukwara na tupu otu puku afọ ahụ amalite, a ga-enwe ụbọchị a ga-ekpe ndị ajọ omume ikpe, ọ ga-abịakwa na mberede. Ihe ọzọ a na-akpọ ụbọchị a bụ ọgwụgwụ ụwa anyị kwuru okwu ya ná mbido Ụlọ Nche a. Ọ bụ ụbọchị Chineke ga-ebibi ndị ọjọọ niile. (2 Pita 3:7) N’ihi ya, anyị kwesịrị ịgbalịsi ike ugbu a gosi na anyị hụrụ Chineke n’anya.—Gụọ 2 Pita 3:9, 13.