Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

ỤLỌ NCHE JENỤWARỊ 2015

Ajụjụ Ndị Baịbụl Zara

Ajụjụ Ndị Baịbụl Zara

Olee ihe mere ọtụtụ ndị jizi ekweta na e nwere Onye kere ihe niile?

Ọ̀ bụ na otú e si kee anyị adịghị ebube?

Ihe dị ka puku afọ atọ gara aga, otu onye na-ede abụ dere, sị: “I kere m n’ụzọ dị egwu, dịkwa ebube.” (Abụ Ọma 139:14) Ọ bụrụ na i chee echiche banyere otú nwa nọ n’afọ si aghọ mmadụ ma na-eto n’afọ nne ya, ọ̀ bụ na ọ naghị eju gị anya? Ọtụtụ ndị kwetara na o nwere Onye kere ihe niile dị ndụ.—Gụọ Abụ Ọma 139:13-17; Ndị Hibru 3:4.

Ọ bụ Onye kere eluigwe na ụwa ma mee ka ụwa dị mma obibi nyere ụmụ mmadụ na ihe ndị ọzọ ndụ. (Abụ Ọma 36:9) Ọ gwara ụmụ mmadụ okwu ma mee ka anyị mata onye ọ bụ.—Gụọ Aịzaya 45:18.

Ụmụ mmadụ hà si n’anụmanụ bido ịdị ndụ?

Ahụ́ mmadụ na nke anụmanụ yitụrụ. Ma, ihe mere ha ji yie bụ na e kere ma mmadụ ma anụmanụ ka ha biri n’ụwa. Onye kere ihe niile esighị n’anụmanụ kee mmadụ, kama o ji ájá si n’ala kee mmadụ mbụ.—Gụọ Jenesis 1:24; 2:7.

O nwere ihe abụọ mere mmadụ ji dị iche n’anụmanụ. Nke mbụ bụ na e kere mmadụ ka o nwee ike ịmata Onye kere ya, hụ ya n’anya ma na-akwanyere ya ùgwù. Nke abụọ bụ na e kere mmadụ ka ha na-adị ndụ ruo mgbe ebighị ebi, ma e keghị anụmanụ ka ha na-anọru otú ahụ. Ma ugbu a, mmadụ niile na-anwụ anwụ n’ihi na anyị ketara ọnwụ n’aka nwoke mbụ dịrị ndụ n’ụwa. Nwoke a bufere anyị ọnwụ n’ihi na o nupụụrụ Onye kere ya isi.—Gụọ Jenesis 1:27; 2:15-17.