Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

ỤLỌ NCHE JENỤWARỊ 2014

Ajụjụ Ndị Baịbụl Zara

Ajụjụ Ndị Baịbụl Zara

Olee ụdị onye Chineke bụ?

Chineke bụ mmụọ. Mmadụ enweghị ike ịhụ ya anya. Ọ bụ ya kere eluigwe, ụwa, na ihe niile dị ndụ. Ma, o nweghị onye kere Chineke n’ihi na o nweghị mmalite. (Abụ Ọma 90:2) Chineke chọrọ ka ụmụ mmadụ gbalịa ka ha na ya dịrị ná mma nakwa ka ha mata nke bụ́ eziokwu gbasara ya.—Gụọ Ọrụ Ndịozi 17:24-27.

Anyị nwere ike ịmata aha Chineke. Anyị nwekwara ike ịmata àgwà ya ụfọdụ ma ọ bụrụ na anyị echebara ihe ndị o kere eke echiche. (Ndị Rom 1:20) Ma, ọ bụrụ na anyị chọrọ ịmata Chineke nke ọma, ihe anyị kwesịrị ime bụ ịmụ Okwu ya, bụ́ Baịbụl. Baịbụl ga-eme ka anyị mata àgwà ọma ndị Chineke nwere.—Gụọ Abụ Ọma 103:7-10.

Mmegbu ndị mmadụ na-emegbu ibe ha ọ̀ na-ewute Chineke?

Mmegbu ndị mmadụ na-emegbu ibe ha na-ewute Onye kere anyị, bụ́ Jehova. O kere ụmụ mmadụ n’onyinyo ya. (Diuterọnọmi 25:16) Ọ bụ ya mere mmegbu anaghị adị ọtụtụ ndị mma. Ọ bụghị Chineke kpatara mmegbu ma ọ bụ ihe ọjọọ anyị na-ahụ ebe niile. Chineke kere ụmụ mmadụ ka ha na-ekpebiri onwe ha ihe ha chọrọ ime. Ma, ọ dị mwute na ọtụtụ ndị họọrọ ime ihe ọjọọ ma na-emegbu ndị ọzọ. Ihe ọjọọ ndị ha na-eme ‘na-ewute Jehova n’obi.’—Gụọ Jenesis 6:5, 6; Diuterọnọmi 32:4, 5.

Jehova hụrụ ikpe ziri ezi n’anya. Ọ gaghị ekwe ka mmegbu dịgide. (Abụ Ọma 37:28, 29) Baịbụl gwara anyị na Chineke ga-eme ka mmegbu niile ndị mmadụ na-emegbu ibe ha kwụsị n’oge na-adịghị anya.—Gụọ 2 Pita 3:7-9, 13.

Baịbụl gwara anyị na Chineke ga-eme ka mmegbu niile ndị mmadụ na-emegbu ibe ha kwụsị n’oge na-adịghị anya