Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

TETA! NỌVEMBA 2015

 IHE NDỊ NA-EME N’ỤWA

Akụkọ Gbasara Ezinụlọ

Akụkọ Gbasara Ezinụlọ

E nwere ọtụtụ nsogbu ezinụlọ dị iche iche na-enwe taa, ma ihe Baịbụl kwuru ga-enyeliri ha aka ka nsogbu ndị ahụ ghara ịnyịgbu ha.

Afrịka

Ngalaba Òtù Mba Ụwa nke Na-ahụ Maka Ahụ́ Ike kwuru na ndị nne kwesịrị ịmalite ihe dị ka otu awa ha mụturu nwa nyewe ya ara nakwa na ha kwesịrị inyegide ya naanị ara ruo ọnwa isii. Otu ụlọ ọrụ na-ahụ maka ụmụaka kwuru na n’agbanyeghị aro a a tụrụ, ọtụtụ ndị na-akpọsa ngwá ahịa na-ekwu na nri nwa a na-azụta n’ahịa dịkwa mma ka mmiri ara.

IHE BAỊBỤL KWURU: “Onye ọ bụla nke na-amaghị ihe na-ekweta okwu niile, ma onye maara ihe na-echebara nzọụkwụ ya echiche.”—Ilu 14:15.

Kanada

Ndị ọkachamara nọ n’otu obodo dị na Kanada kwuru na ụmụaka ndị nne na nna ha na-anaghị ekwe megharịa ahụ́ nwere ike ibu oké ibu karịa ụmụaka ndị nne na nna ha na-emere ihe gosiri na ha hụrụ ha n’anya ma na-enye ha ọzụzụ.

IHE Ị GA-EBURU N’OBI. Ihe e dere kemgbe ọtụtụ narị afọ na Baịbụl gosiri otú kacha mma ndị nne na nna ga-esi na-azụ ụmụ.—Ndị Kọlọsi 3:21.

Nedalandz

N’obodo a, e mere nchọpụta n’ezinụlọ ndị ma di ma nwunye na-arụ ọrụ. Ihe a chọpụtara bụ na ndị nne na nna na-anaghị etinye oge ha niile n’ọrụ na ụmụ ha na-aka anọrị karịa ndị nke na-etinye oge ha niile n’ọrụ. Dị ka ihe atụ, ọ bụrụ na mmadụ anọrọ n’ụlọ na-eme ihe ụfọdụ gbasara ọrụ ya, o nwere ike ime ka ọ ghara inwe ohere ka ya na ụmụ ya na-akpa.

IHE Ị GA-ECHEBARA ECHICHE: “E nwere oge a kara aka maka ihe ọ bụla.”—Ekliziastis 3:1.