Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

TETA! JENỤWARỊ 2015

Ihe Ndị Na-eme n’Ụwa

Ihe Ndị Na-eme n’Ụwa

Ekwedọ

N’afọ 2007, gọọmenti Ekwedọ kwuru mbọ a na-agba ka e chebe oké ọhịa Amazọn. Kama igwu mmanụ na ya, ha kwuru na ha ga-achọ inweta ego a ga-eji na-elekọta ya. Atụmatụ ahụ kụrụ afọ n’ala n’ihi na e nweghị ndị kwere eweta ego. Oké ọhịa Amazọn a bụkwanụ otu n’ime ọhịa ndị e nwere ụdị ụmụ anụmanụ dị iche iche.

Japan

Otu akwụkwọ akụkọ kwuru na ọ na-esi ike ịchọpụta ọrịa niile dị n’ọbara a chọrọ ịmịnye mmadụ. Akwụkwọ akụkọ ahụ kwuru ihe a mgbe a chọpụtara n’afọ 2013 na otu nwoke karịrịla iri afọ isii butere ọrịa o biri n’ájá ọcha n’ọbara a mịnyere ya. Ị manụ na ọ bụrụ na ọ dịbeghị anya mmadụ butere ọrịa o biri n’ájá ọcha, e legodị ya ahụ́, a gaghị achọpụta na o bu ya.

Zimbabwe

N’agbanyeghị na ọ karịala afọ iri atọ ndị na-agba ndị ọchịchị mgba okpuru kwụsịrị agha n’ókè Zimbabwe na Mozambik, bọmbụ e liri ebe ahụ ka na-egbu ndị mmadụ, na-akwarụkwa ọtụtụ. Ndị Red Krọs kwuru na kemgbe afọ 1980, bọmbụ ndị ahụ egbuola ihe karịrị otu puku mmadụ na narị ise nakwa ihe karịrị otu narị puku anụmanụ na puku iri abụọ. Ha kwukwara na bọmbụ ndị ahụ akwarụọla ihe karịrị puku ndị Zimbabwe abụọ.

Ọstrelia

Otu nchọpụta e mere na-egosi na ihe na-esere ọtụtụ di na nwunye gbarala alụkwaghịm okwu bụ onye anụ ụlọ ndị dị ka nkịta ga-abụ nke ya. E wezụga ụlọ na ala, ego na ngwongwo, ihe ọzọ ha na-azọ azọ bụ anụ ụlọ.