Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

TETA! SEPTEMBA 2013

Ihe Ndị Na-eme n’Ụwa

Ihe Ndị Na-eme n’Ụwa

Amerịka

N’Amerịka, e nwere ọtụtụ ndị larala ezumike nká n’ọrụ amị. Kwa ụbọchị, ihe karịrị iri mmadụ abụọ n’ime ha na-egbu onwe ha, ebe ihe dị ka narị mmadụ itoolu na iri ise na-anwa igbu onwe ha kwa ọnwa.

Chaịna

Otu akwụkwọ akụkọ ndị Chaịna kwuru na ọtụtụ ụmụ nwaanyị na-erubeghị iri afọ atọ na-esi obodo ha gaa rụwa ọrụ na mpaghara ọzọ na Chaịna. Ihe dị ka ọkara n’ime ha na-atụrụ ime tupu ha alụọ di. Ndị nke na-atụrụ ime ugbu a tupu ha alụọ di karịrị akarị ma e jiri ha tụnyere ndị tụụrụ ime n’afọ ole na ole gara aga. Akwụkwọ ahụ kwukwara na ndị Chaịna anaghịzi ele nwoke na nwaanyị na-abụghị di na nwunye anya ọjọọ ma ha biri.

Gris

N’afọ 1974, ndị Gris chụrụ ịba ọsọ ụkwụ eru ala. Ma ugbu a, ịba amalitela ịkpa ha aka ọjọọ. A sị na ihe kpatara ya bụ ihe isi ike nakwa na ndị ọchịchị anaghịzi ewepụtacha ego a ga-eji na-azụta ihe ndị e ji egbochi ọrịa n’obodo ahụ.

India

Nnyocha e mere gosiri na n’agbanyeghị otú India si na-emepe, ọtụtụ ndị ka chọrọ ka nne na nna ha jiri aka ha na-achọtara ha onye ha ga-alụ kama hanwa iji aka ha achọta onye dị ha mma. Ọtụtụ ndị a gbara ajụjụ ọnụ kwukwara na ha chọrọ ka ha na ndị ikwu ha biri kama naanị ha na nne na nna ha na ụmụnne ha ibi.

Ịtali

Mgbe a gbara otu ụkọchukwu ndị Katọlik ajụjụ ọnụ, o kwuru na ike agwụla ndị chọọchị ha ma na Yurop ma na mba ndị dị n’Amerịka. O kwukwara na ha kwesịrị ịgbanwe ihe ndị ha na-eme n’ụlọ ụka ha. Ihe ọzọ o metụrụ ọnụ bụ na ụlọ ụka na-ebu oké ibu nakwa na ọtụtụ ndị anaghịzi echi ụkọchukwu na sista. Ha anaghịzi ahazi ihe nke ọma, ndị ụkọchukwu ha na-eyikwa uwe ukwu. Ihe ọzọ o kwuru bụ na ndị ụka ha ka na-eme ihe ndị mgbe ochie.—Aha ụkọchukwu kwuru ihe a bụ Carlo Maria Martini. E bipụtara ihe a o kwuru mgbe ọ nwụrụla.