Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Job 30:1-31

30  “Ugbu a, ha achịwo m ọchị,+ Bụ́ ndị m tọrọ atọ,+ Ndị m na-agaraghị ekwe ka nna ha Soro nkịta ndị na-edu ìgwè ewu na atụrụ m nọrọ.   Ọbụna ike aka ha—olee uru ọ baara m? Ike ha nwere alawo n’iyi.+   Ha enweghị ume n’ihi ịnọ n’ụkọ na agụụ, Ha na-ata ihe n’ógbè mmiri na-adịghị,+ N’ebe e nwere oké ifufe na mbibi ụnyaahụ.   Ha nọ na-akụrụ ahịhịa nnu n’ọhịa, Nri ha bụkwa mgbọrọgwụ osisi brum.   A ga-achụpụ ha n’obodo;+ Ndị mmadụ ga-etiri mkpu na-eso ha n’azụ dị ka e si eme onye ohi.   Ha ga-ebi ná mkpọda ndagwurugwu, N’ọnụ ndị a tụrụ n’ala nakwa na nkume.   Ha ga-anọ n’ime ọhịa na-eti mkpu; Ha ga-agbakọta ọnụ n’okpuru ahịhịa akụwa.   Ụmụ onye nzuzu+ na ụmụ onye na-enweghị aha, A pịapụwo ha n’ala ha.   Ugbu a, aghọọla m ọbụna ihe ha ji agụ egwú,+ Aghọwokwara m ha ihe ịkwa emo.+ 10  Ha na-asọ m oyi, ha anọrọwo m n’ebe dị anya;+ Ha ahapụghịkwa ịgbụ m ọnụ mmiri n’ihu.+ 11  N’ihi na ọ tọpụrụ ụdọ m wee weda m ala, Ha enweghịkwa ihe na-egbochi ha ime m ihe ọjọọ. 12  Ha na-ebili n’aka nri m dị ka otu ìgwè; Ha atọhapụwo ụkwụ m, Ma ha wuru ihe mgbochi ọjọọ ha wee na-emegide m.+ 13  Ha emebiwo okporo ụzọ m; Naanị uru ha bara bụ ịkpatakwuru m ahụhụ,+ N’enweghị onye na-enyere ha aka. 14  Ha na-abịa dị ka ọ̀ bụ n’oghere sara mbara ka ha si; Ha enukọrọwo na-abịa mgbe oké ifufe mmiri na-efe. 15  E mewo ka ụjọ mberede jide m; A na-ekusasị ùgwù m dị ka ihe ifufe na-efesasị, Nzọpụta m agabigawokwa dị ka ígwé ojii. 16  Ugbu a, a na-awụpụ mkpụrụ obi m n’ime m dị ka mmiri;+ Ụbọchị ahụhụ+ na-abịakwasị m. 17  N’abalị, ọkpụkpụ+ na-amị m amị, na-adapụsịkwa, Ihe mgbu m adịghịkwa akwụsị akwụsị.+ 18  Ike ya nke dị ukwuu na-eme ka uwe m gbanwee; Ọ na-agba m gburugburu dị ka olu uwe mwụda m. 19  O wedawo m n’ájá, M wee dị ka ájá na ntụ. 20  M na-etiku gị maka enyemaka, ma ị dịghị aza m;+ Eguzorowo m ọtọ, ka i wee ṅaa m ntị. 21  Ị na-agbanwe wee na-emeso m ihe n’obi ọjọọ;+ I ji ike gị dum na-ebuso m iro. 22  Ị na-ekugoro m n’ikuku, ị na-eme ka o buru m; I wee mee ka m jiri oké ụzụ daa kụrie. 23  N’ihi na amaara m nke ọma na ị ga-eme ka m laghachikwuru ọnwụ,+ N’ụlọ nke onye ọ bụla dị ndụ ga-aga. 24  Ọ bụ naanị na ọ dịghị onye na-esetị aka ya imegide ihe e kpofuru ekpofu,+ Ọ dịghịkwa onye na-etiri ihe ndị ahụ mkpu enyemaka mgbe mmadụ na-ada ada. 25  N’ezie, akwaworo m onye ụbọchị na-esiri ike ákwá;+ Mkpụrụ obi m eruworo ogbenye uju.+ 26  Ọ bụ ezie na ọ bụ ihe ọma ka m nọ na-echere, ọ bụ ihe ọjọọ bịara;+ M nọkwa na-echere ìhè, ma, ọ bụ ọchịchịrị bịara. 27  E mere ka eriri afọ m gbaa ghara ghara, ọ nọghịkwa jụụ; Ụbọchị nhụjuanya bịakwasịrị m. 28  M nọ na-ejegharị ná mwute+ mgbe ìhè anyanwụ na-adịghị; Ebiliri m ọtọ n’etiti ìgwè mmadụ, m nọ na-eti mkpu enyemaka. 29  Aghọrọ m nwanne nkịta ọhịa, Ghọọkwa enyi nke ụmụ enyí nnụnụ.+ 30  Akpụkpọ ahụ́ m gbajiri oji,+ dapụsịakwa, Ọkpụkpụ m kpowere ọkụ n’ihi ịkpọ nkụ. 31  Ụbọ akwara m wee bụrụ naanị maka iru uju, Ọjà m abụrụkwa maka olu ndị na-akwa ákwá.

Ihe E Dere n'Ala Ala Peeji