Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Jeremaya 37:1-21

37  Eze Zedekaya+ nwa Josaya+ wee malite ịchị n’ọnọdụ Konaya+ nwa Jehoyakim,+ bụ́ onye Nebukadreza eze Babịlọn mere eze na-achị ala Juda.+  Ma ya onwe ya na ndị na-ejere ya ozi na ndị ala ahụ egeghị ntị n’okwu Jehova+ si n’ọnụ Jeremaya onye amụma gwa ha.+  Eze Zedekaya wee zie Jehukal+ nwa Shelemaya na Zefanaya+ nwa Measaya+ onye nchụàjà ka ha gaa gwa Jeremaya onye amụma, sị: “Biko, kpekuoro anyị Jehova bụ́ Chineke anyị ekpere.”+  Jeremaya nọ na-abata ma na-apụ n’etiti ndị mmadụ,+ n’ihi na ha atụbaghị ya n’ụlọ mkpọrọ.  Ndị agha Fero wee si n’Ijipt pụta;+ ndị Kaldia bụ́ ndị nọchibidoro Jeruselem wee nụ banyere ha. Ha wee hapụ Jeruselem laa.+  Okwu Jehova wee ruo Jeremaya onye amụma ntị, sị:  “Nke a bụ ihe Jehova, bụ́ Chineke Izrel, kwuru, ‘Nke a bụ ihe unu ga-agwa eze Juda, bụ́ onye ziri unu ka unu bịa jụọ m ase:+ “Lee! Ndị agha Fero bụ́ ndị na-abịakwute unu inyere unu aka ga-alaghachi n’ala ha, bụ́ Ijipt.+  Ndị Kaldia ga-abịaghachi buso obodo a agha, ha ga-eweghara ya ma gbaa ya ọkụ.”+  Nke a bụ ihe Jehova kwuru: “Unu aghọgbula mkpụrụ obi unu,+ na-asị, ‘Ndị Kaldia aghaghị ịla ma ghara ibuso anyị agha,’ n’ihi na ha agaghị ala. 10  N’ihi na ọ bụrụ na unu egbuo ndị agha niile nke ndị Kaldia, bụ́ ndị na-ebuso unu agha,+ ndị fọdụrụ n’ime ha abụrụ naanị ndị e merụrụ ahụ́ nke ukwuu,+ onye ọ bụla n’ime ha ga-esi n’ụlọikwuu ya bilie gbaa obodo a ọkụ.”’” 11  O wee ruo mgbe ndị agha ndị Kaldia hapụrụ Jeruselem+ n’ihi ndị agha Fero,+ 12  na Jeremaya si Jeruselem gawa ala Benjamin+ ka o keta òkè n’ebe ahụ n’etiti ndị ya. 13  O wee ruo mgbe o rutere n’Ọnụ Ụzọ Ámá Benjamin+ na onye nche nke na-elekọta ebe ahụ, nke aha ya bụ Iraịja nwa Shelemaya nwa Hananaya, nọ n’ebe ahụ. O wee jide Jeremaya onye amụma ozugbo, sị: “Ọ bụ ndị Kaldia ka ị na-agbakwuru!” 14  Ma Jeremaya sịrị: “Ọ bụ ụgha!+ Anaghị m agbakwuru ndị Kaldia.” Ma o geghị ya ntị. Iraịja wee jide Jeremaya, kpọrọ ya bịakwute ndị isi. 15  Ndị isi+ wee weso Jeremaya iwe,+ ha wee tie ya ihe+ ma tụba ya n’ụlọ mkpọrọ,+ n’ụlọ Jehọnatan+ bụ́ odeakwụkwọ, n’ihi na ọ bụ ebe ahụ ka ha ji mere ụlọ mkpọrọ.+ 16  Mgbe Jeremaya batara n’ụlọ ahụ nke nwere olulu,+ nke nwere ọnụ ụlọ ndị dị n’ime ya, Jeremaya nọrọ ọtụtụ ụbọchị n’ebe ahụ. 17  Eze Zedekaya wee zie ozi, e wee kpọpụta ya, eze wee nọrọ n’ebe zoro ezo n’ụlọ ya malite ịjụ ya ajụjụ.+ O wee sị ya: “Ò nwere ihe Jehova kwuru?” Jeremaya wee sị ya: “O nwere!” O wee sị: “A ga-enyefe gị n’aka eze Babịlọn!”+ 18  Jeremaya wee gwa Eze Zedekaya, sị: “Olee ihe ọjọọ m mere gị na ndị na-ejere gị ozi na ndị a+ nke mere unu ji tụba m n’ụlọ mkpọrọ? 19  Oleezi ebe ndị amụma unu nọ, bụ́ ndị buuru unu amụma, sị, ‘Eze Babịlọn agaghị ebuso unu na ala a agha’?+ 20  Ugbu a, onyenwe m eze, biko, gee ntị. Biko, nụrụ arịrịọ m na-arịọ ka i meere m amara,+ akpọghachila m n’ụlọ Jehọnatan+ bụ́ odeakwụkwọ, ka m ghara ịnwụ n’ebe ahụ.”+ 21  Eze Zedekaya wee nye iwu, ha wee tụba Jeremaya n’ụlọ mkpọrọ dị n’Ogige Ndị Nche;+ a na-esi n’okporo ámá nke ndị na-eme achịcha ewetara ya otu ogbe achịcha kwa ụbọchị,+ ruo mgbe achịcha gwụrụ n’obodo.+ Jeremaya wee nọgide n’Ogige Ndị Nche.+

Ihe E Dere n'Ala Ala Peeji