Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Jeremaya 2:1-37

2  Okwu Jehova wee ruo m ntị,+ si:  “Gaa jiri oké olu gwa Jeruselem, sị, ‘Nke a bụ ihe Jehova kwuru:+ “Echetara m nke ọma obiọma* i nwere n’oge ị bụ nwa agbọghọ+ na ịhụnanya i nwere n’oge m kwere nkwa ịlụ gị,+ na otú i si na-eso m n’ala ịkpa, n’ala a na-aghaghị mkpụrụ ọ bụla.+  Izrel bụ ihe dị nsọ nye Jehova,+ mkpụrụ mbụ nke mịịrị Ya.”’+ ‘Ndị ọ bụla nke na-eripịa ya ga-eme onwe ha ndị ikpe mara.+ Ọdachi ga-adakwasịkwa ha,’ ka Jehova kwuru.”+  Nụrụnụ okwu Jehova, gị ụlọ Jekọb+ na unu ezinụlọ niile nke ụlọ Izrel.+  Nke a bụ ihe Jehova kwuru: “Gịnị bụ ihe na-ezighị ezi nna unu hà hụrụ n’ebe m nọ+ nke mere ha ji nọrọ m n’ebe dị anya,+ ha wee na-eso arụsị na-abaghị uru,+ ha onwe ha wee ghọọ ndị na-abaghị uru?+  Ha asịghị, ‘Olee ebe Jehova nọ, bụ́ Onye si n’ala Ijipt kpọpụta anyị,+ Onye duuru anyị gafere ala ịkpa, gafere mbara ọzara+ na olulu, gafere ala mmiri na-adịghị+ na ala oké ọchịchịrị,+ gafere ala mmadụ na-agafetụbeghị, nke mmadụ na-ebitụbeghị?’  “M wee kpọbata unu n’ala e nwere ubi mkpụrụ osisi, ka unu rie ihe o mepụtara na ihe ọma ndị dị na ya.+ Ma unu batara merụọ ala m; unu mekwara ka ihe nketa m bụrụ ihe arụ.+  Ndị nchụàjà asịghị, ‘Olee ebe Jehova nọ?’+ Ndị iwu dị n’aka amaghị m;+ ndị ọzụzụ atụrụ mebikwara iwu m,+ ọbụna ndị amụma buru amụma n’aha Bel,+ ọ bụkwa ndị na-agaghị abara ha uru ọ bụla ka ha sooro.+  “‘Ya mere, mụ na unu ga-aba n’ikpe ọzọ,’+ ka Jehova kwuru, ‘mụ na ụmụ ụmụ unu ga-abakwa n’ikpe.’+ 10  “‘Ma, gaanụ n’ala ndị dị n’ụsọ osimiri nke ndị Kitim+ wee hụrụ. Ee, ziganụ ozi ọbụna na Kida+ ka unu wee tụlee nke ọma mata ma ụdị ihe a ò metụla.+ 11  Ò nweela mba ji ihe ndị na-abụghị chi+ gbanwere chi ha?+ Ma ndị m ejiriwo ihe na-apụghị ịbara ha uru gbanwere otuto m.+ 12  Gị eluigwe, kporopụ anya n’ihi ihe a; ka akpata oyi wụọkwa gị n’ihi oké egwu,’ ka Jehova kwuru,+ 13  ‘n’ihi na ndị m mere ihe abụọ dị njọ: Ha ahapụwo mụ onwe m,+ bụ́ isi iyi nke mmiri na-enye ndụ,+ ka ha wee gwuoro onwe ha olulu, olulu gbawara agbawa, ndị na-apụghị ichedo mmiri.’ 14  “‘Izrel ọ̀ bụ onye na-eje ozi,+ ka ọ̀ bụ ohu a mụrụ n’ezinụlọ? Gịnị mere o ji bụrụ onye a na-ebukọrọ ihe ya? 15  Ụmụ ọdụm tojuru etoju na-ebigbọ ya;+ ha ebigbọwo.+ Ha wee mee ka ala ya bụrụ ihe ijuanya. Ha agbawo obodo ya niile ọkụ, nke mere na ọ dịghị onye bi na ha.+ 16  Ụmụ Nọf+ na ụmụ Tapanis+ na-eri opu isi gị.+ 17  Ọ́ bụghị gị mere onwe gị ihe a site n’ịhapụ Jehova bụ́ Chineke+ gị n’oge o du gị na-eje n’ụzọ?+ 18  Gịnị mere i ji nwee mmasị n’ụzọ e si aga Ijipt+ ka i wee ṅụọ mmiri Shaịhọ?+ Gịnịkwa mere i ji nwee mmasị n’ụzọ e si aga Asiria+ ka i wee ṅụọ mmiri Osimiri Yufretis? 19  Ihe ọjọọ gị kwesịrị ịgbazi gị,+ omume ekwesịghị ntụkwasị obi gị kwesịrị ịdọ gị aka ná ntị.+ Mara, ya dookwa gị anya na ọ bụ ihe ọjọọ, bụrụkwa ihe dị mwute,+ na ị hapụrụ Jehova bụ́ Chineke gị, ị tụghịkwa m ụjọ,’+ ka Ọkaakaa+ Onyenwe anyị, bụ́ Jehova nke ụsụụ ndị agha, kwuru. 20  “‘N’ihi na m kụrisịrị yok gị mgbe dị anya gara aga;+ m dọbisịrị agbụ e kere gị. Ma ị sịrị: “Agaghị m ejere gị ozi,” n’ihi na ọ bụ n’ugwu ọ bụla dị elu nakwa n’okpuru osisi ọ bụla jupụtara n’akwụkwọ ndụ+ ka ị na-edina jaghee ụkwụ+ gị wee na-agba akwụna.+ 21  Ma mụ onwe m kụrụ gị dị ka ezi mkpụrụ vaịn uhie,+ ọ bụ naanị ezi mkpụrụ vaịn. Oleezi otú i si gbanwee n’ebe m nọ wee ghọọ alaka mebiri emebi nke osisi vaịn si ebe ọzọ?’+ 22  “‘Ọ bụrụgodị na i were akanwụ na ncha dị ukwuu saa ahụ́,+ njehie gị ga-abụ ntụpọ n’ihu m,’+ ka Ọkaakaa Onyenwe anyị Jehova kwuru. 23  Gịnị mere ị ga-eji sị, ‘Emerụghị m onwe m.+ Esoghịkwa m Bel’?+ Lee ụzọ gị nke dị na ndagwurugwu.+ Mara ihe i mere. Nwa agbọghọ kamel nke dị garagara, nke na-agbagharị n’ụzọ ya n’efu; 24  ịnyịnya ọhịa+ nke ala ịkpa maara ahụ́, nke agụụ na-agụ mkpụrụ obi ya, nke na-ekukwa ume ọkụ ọkụ;+ ònye pụrụ ịchụghachi ya azụ mgbe ọ chọrọ ka oké gbaa ya? Ike agaghị agwụ ndị niile na-achọ ya. Mgbe ọnwa ya ruru, ha ga-achọta ya. 25  Kwụsị ịgba ụkwụ ọtọ, kwụsịkwa ime ka akpịrị na-akpọ gị nkụ.+ Ma ị sịrị, ‘Ọ baghị uru!+ Ee e, kama ahụrụ m ndị mba ọzọ n’anya,+ ọ bụ ha ka m ga-eso.’+ 26  “Dị ka ihere si eme onye ohi mgbe e jidere ya, otú ahụ ka ihere meworo ndị ụlọ Izrel,+ ha onwe ha, ndị eze ha, ndị isi ha na ndị nchụàjà ha na ndị amụma ha.+ 27  Ha na-asị osisi, ‘Ị bụ nna m,’+ sịkwa nkume, ‘Ọ bụ gị mụrụ m.’ Ma, ọ bụ m ka ha gbakụtara azụ, ha echeghị ihu n’ebe m nọ.+ Mgbe ọdachi dakwasịrị ha, ha ga-asị, ‘Bilie zọpụta anyị!’+ 28  “Ma olee ebe chi ndị i meere onwe gị nọ?+ Ka ha bilie ma ọ bụrụ na ha nwere ike ịzọpụta gị n’oge ọdachi gị.+ N’ihi na dị ka obodo gị dị ọtụtụ, otú ahụ ka chi gị dị ọtụtụ, gị Juda.+ 29  “‘Gịnị mere unu ji na-esesa m okwu?+ Gịnị mere unu niile ji mebie iwu m?’+ ka Jehova kwuru. 30  N’efu ka m tiworo ụmụ unu ihe.+ Ha anaraghị ịdọ aka ná ntị.+ Mma agha unu eripịawo ndị amụma unu dị ka ọdụm nke na-ebibi ihe.+ 31  Ọgbọ a, tụleenụ okwu Jehova.+ “Àghọworo m Izrel ala ịkpa nkịtị,+ ka m̀ ghọworo ha ala gbara oké ọchịchịrị? Gịnị mere ndị a bụ́ ndị m ji sị, ‘Anyị awagharịwo. Anyị agaghị abịakwute gị ọzọ’?+ 32  Nwa agbọghọ na-amaghị nwoke ọ̀ pụrụ ichefu ihe o ji achọ mma, nwaanyị a na-alụ ọhụrụ ọ̀ pụrụ ichefu ákwà ọ na-eke n’obi? Ma ndị m echefuwo m ọtụtụ ụbọchị.+ 33  “Nwaanyị, gịnị mere i ji na-edozi ụzọ gị ka e wee hụ gị n’anya? Ya mere, i mewo ka ụzọ gị jọọ nnọọ njọ.+ 34  Ọ bụkwa n’uwe mwụda gị ka a hụrụ ọbara nke mkpụrụ obi+ ndị ogbenye aka ha dị ọcha.+ Ọ bụghị n’ihi na ha nọ na-awaba n’ụlọ, ma, ọ bụ n’uwe gị dum ka m hụrụ ya.+ 35  “Ma ị sịrị, ‘Aka m dị ọcha. N’ezie, iwe ọ na-eweso m adajụwo.’+ “Lee, mụ na gị ga-aba n’ikpe n’ihi na ị sịrị, ‘Emehieghị m.’+ 36  Gịnị mere i ji were ịgbanwe ụzọ gị dị ka obere ihe?+ Ihere Ijipt ga-emekwa gị,+ dị nnọọ ka ihere Asiria mere gị.+ 37  Ọ bụkwa nke a ga-eme ka i buru aka n’isi,+ n’ihi na Jehova ajụwo ihe bụ́ obi ike gị, ha agaghị eme ka ihe gaziere gị.”

Ihe E Dere n'Ala Ala Peeji

Jer 2:2*  Ma ọ bụ, “ịhụnanya na-adịgide adịgide.”