Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Ezikiel 8:1-18

8  O wee ruo n’afọ nke isii, n’ọnwa nke isii, n’abalị ise n’ọnwa ahụ, na m nọ ọdụ n’ụlọ m, ndị okenye Juda nọkwa ọdụ n’ihu m,+ mgbe aka Ọkaakaa Onyenwe anyị Jehova dịkwasịrị m n’ebe ahụ.+  M wee malite ịhụ, ma, lee! e nwere ihe yiri ọkụ;+ malite n’ihe yiri úkwù ya gbadaa, e nwere ọkụ,+ malitekwa n’úkwù ya gbagoo, e nwere ihe yiri ihe na-enwupụ enwupụ, dị ka ọla nke na-egbu maramara.+  O wee matịa ihe yiri aka+ jide m na ntutu isi m. Mmụọ+ wee bulie m bugoo m n’agbata elu ala na eluigwe wee bute m Jeruselem n’ọhụụ Chineke,+ n’ọnụ ụzọ ámá dị n’ime+ nke chere ihu n’ebe ugwu, n’ebe ihe oyiyi ekworo nke na-akpali ikwo ekworo dị.+  Ma, lee! ebube Chineke Izrel dị ebe ahụ,+ nke yiri ihe ahụ m hụrụ na ndagwurugwu.*  O wee sị m: “Nwa nke mmadụ, biko, lepụ anya n’ebe ugwu.” M wee lepụ anya n’ebe ugwu, ma, lee! e nwere ihe oyiyi ekworo+ n’ụzọ mbata dị n’ebe ugwu nke ọnụ ụzọ ámá ebe ịchụàjà.  O wee gaa n’ihu ịsị m: “Nwa nke mmadụ, ị̀ na-ahụ oké ihe arụ ha na-eme,+ bụ́ ihe ụlọ Izrel na-eme n’ebe a ka m wee hapụ ebe nsọ m?+ Ị ka ga-ahụ oké ihe arụ ndị ọzọ.”  O wee kpọrọ m bịa n’ọnụ ụzọ ogige ahụ, m wee malite ịhụ, ma, lee! oghere dị ná mgbidi ahụ.  O wee sị m: “Nwa nke mmadụ, biko, gwupuo mgbidi a.”+ M wee gwupuo mgbidi ahụ, ma, lee! ọnụ ụzọ dị n’ebe ahụ.  O wee gwa m ọzọ, sị: “Banye hụ ajọ ihe arụ ha na-eme n’ebe a.”+ 10  M wee banye hụ, ma, lee! ná mgbidi ahụ gbaa gburugburu, a tụrụ ụdị ihe ọ bụla na-anọchi anya ihe ndị na-akpụ akpụ+ na anụmanụ na-asọ oyi,+ na arụsị niile na-asọ oyi ka nsị, bụ́ ndị ụlọ Izrel mere.+ 11  Ndị ikom iri asaa+ n’ime ndị okenye ụlọ Izrel, ha na Jeazanaya nwa Shefan,+ guzo n’ihu ihe ndị ahụ, onye nke ọ bụla jikwa ihe e ji etinye ihe nsure ọkụ na-esi ísì ụtọ n’aka ya, ísì ụtọ nke ihe nsure ọkụ ahụ nọkwa na-arịgo.+ 12  O wee sị m: “Nwa nke mmadụ, ị̀ hụla ihe ndị okenye ụlọ Izrel na-eme n’ọchịchịrị,+ onye ọ bụla n’ime ime ụlọ ya o debere ihe oyiyi a pịrị apị? N’ihi na ha na-asị, ‘Jehova anaghị ahụ anyị.+ Jehova ahapụwo ala a.’” 13  O wee gaa n’ihu ịsị m: “Ị ka ga-ahụ oké ihe arụ ndị ọzọ ha na-eme.”+ 14  O wee kpọrọ m bịa n’ọnụ ụzọ ámá nke ụlọ Jehova, nke dị n’ebe ugwu, ma, lee! ndị inyom nọ ọdụ n’ebe ahụ, na-akwara chi bụ́ Tamọz ákwá. 15  Ọ gwakwara m, sị: “Ị̀ hụla ihe a, nwa nke mmadụ? Ị ka ga-ahụ oké ihe arụ+ ndị ọzọ ka ndị a njọ.” 16  O wee kpọbata m n’ogige nke dị n’ime ụlọ Jehova,+ ma, lee! n’ọnụ ụzọ ụlọ nsọ Jehova, n’agbata ihe owuwu ụzọ mbata na ebe ịchụàjà,+ e nwere ihe dị ka ndị ikom iri abụọ na ise+ ndị gbanyere ụlọ nsọ Jehova azụ+ ma chee ihu n’ebe ọwụwa anyanwụ, ha chere ihu n’ebe ọwụwa anyanwu na-akpọrọ anyanwụ isiala.+ 17  O wee gaa n’ihu ịsị m: “Ị̀ hụla ihe a, nwa nke mmadụ? Ihe arụ niile ụlọ Juda meworo n’ebe a ọ̀ bụụrụ ha ntakịrị ihe, nke na ha na-eme ka ime ihe ike jupụta n’ala a,+ ka ha wee kpasuo m iwe ọzọ? Lee, ha na-adụ m alaka osisi n’imi. 18  Mụ onwe m ga-ejikwa ọnụma mee ihe.+ Anya m agaghị eme ebere, agaghịkwa m enwe ọmịiko.+ Ha ga-eji oké olu kpọkuo m, ma agaghị m anụ olu ha.”+

Ihe E Dere n'Ala Ala Peeji

Ezi 8:4*  Otú e si dee ya n’asụsụ Hibru bụ “mbara ala nke dị na ndagwurugwu.”