Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Daniel 6:1-28

6  Ọ masịrị Darayọs ịhọpụta otu narị ndị setrap na iri abụọ ka ha na-elekọta alaeze ahụ dum;+  o mekwara mmadụ atọ, nke Daniel bụ otu n’ime ha, ndị isi ha,+ ka ndị setrap+ ndị a wee na-akọrọ ha otú ihe si aga, ka ihe ghara imebinahụ eze.+  Daniel a nọ na-emezi emezi+ karịa ndị isi ahụ na ndị setrap ahụ, ebe ọ bụ na mmụọ pụrụ iche dị n’ime ya;+ eze na-ezubekwa ibuli ya elu ka ọ na-elekọta alaeze ahụ dum.  N’oge ahụ, ndị isi ahụ na ndị setrap ahụ nọ na-achọ inweta ihe ha ga-asị na Daniel mere n’alaeze ahụ;+ ma ọ dịghị ihe ọ bụla ma ọ bụ ihe ọjọọ ọ bụla ha chọtaliri, ebe ọ bụ onye a pụrụ ịtụkwasị obi, ọ dịghịkwa eleghara ọrụ ya anya, ọ dịghịkwa ihe ọjọọ ọ bụla a hụrụ n’ebe ọ nọ.+  N’ihi ya, ndị ikom a sịrị: “Anyị agaghị ahụ ihe ọ bụla anyị ga-asị na Daniel a mere, ọ gwụkwala ma ọ̀ bụ n’iwu Chineke ya ka anyị ga-ahụ ya.”+  Ndị isi na ndị setrap a wee nukọrọ n’ìgwè gakwuru eze,+ ha gwakwara eze, sị: “Eze Darayọs, ị ga-adị ndụ ruo mgbe ebighị ebi.+  Ndị isi niile nke alaeze a, ndị prifekt na ndị setrap, ndị na-ejere eze ozi bụ́ ndị ọkwá ha dị elu nakwa ndị gọvanọ, ekwekọrịtawo ka eze mee ka e nwee ụkpụrụ,+ ka a hụkwa na e debere iwu ị ga-eti, na onye ọ bụla nke rịọrọ chi ọ bụla ma ọ bụ mmadụ ọ bụla ọzọ arịrịọ n’ime ụbọchị iri atọ ma e wezụga gị, eze, a ga-atụba ya n’olulu ọdụm.+  Ugbu a, eze, mee ka ụkpụrụ a ghọọ iwu, bịanyekwa aka n’akwụkwọ,+ ka a ghara ịgbanwe ya agbanwe, dị ka iwu ndị Midia na ndị Peshia si dị,+ bụ́ nke a na-adịghị akagbu akagbu.”+  Eze Darayọs wee bịanye aka n’akwụkwọ ahụ nakwa n’iwu ahụ.+ 10  Ma Daniel banyere n’ụlọ ya ozugbo ọ matara na a bịanyewo aka n’akwụkwọ ahụ, e meghekwaara ya windo ọnụ ụlọ ya nke dị n’elu emeghe bụ́ nke chere ihu na Jeruselem,+ ọ na-egbukwa ikpere n’ala kpee ekpere+ ma too Chineke ya+ ugboro atọ n’ụbọchị,+ dị ka ọ na-eme mgbe niile tupu oge ahụ.+ 11  Mgbe ahụ, ndị ikom a nubatara wee hụ ka Daniel na-ekpe ekpere ma na-arịọ Chineke ya ka o meere ya amara.+ 12  Ha wee bata n’ihu eze ma na-ekwu banyere iwu ahụ eze tiri, sị: “Ọ̀ bụ na e nweghị iwu ị bịanyere aka na ya na onye ọ bụla nke rịọrọ chi ọ bụla ma ọ bụ mmadụ ọ bụla ọzọ arịrịọ n’ime ụbọchị iri atọ ma e wezụga gị, eze, na a ga-atụba ya n’olulu ọdụm?”+ Eze wee zaa, sị: “Nke a doro anya dị ka iwu ndị Midia na ndị Peshia si dị, bụ́ nke a na-adịghị akagbu akagbu.”+ 13  Ozugbo ahụ, ha kwuru n’ihu eze, sị: “Daniel,+ otu n’ime ndị Juda a dọtara n’agha,+ ejighị gị kpọrọ ihe, eze, o jighịkwa iwu ahụ ị bịanyere aka na ya kpọrọ ihe, kama ọ na-ekpe ekpere ugboro atọ n’ụbọchị.”+ 14  O wee wute eze nke ukwuu ozugbo ọ nụrụ okwu a,+ o wee kpebisie ike n’obi ya ịnapụta Daniel;+ ọ gbalịkatara ịnapụta ya ruo mgbe anyanwụ dara. 15  N’ikpeazụ, ndị ikom a nubatara n’ìgwè n’ihu eze, ha wee sị eze: “Eze, marakwa na iwu ndị Midia na ndị Peshia bụ na a gaghị agbanwe iwu+ ma ọ bụ ụkpụrụ ọ bụla eze mere.”+ 16  Eze wee nye iwu, ha wee kpọta Daniel tụba n’olulu ọdụm.+ Eze wee gwa Daniel, sị: “Chineke gị, onye ị na-efe mgbe niile, ya onwe ya ga-anapụta gị.”+ 17  E wee buru otu nkume dọchie ọnụ olulu ahụ. Eze wee were mgbaaka o ji aka ihe akara nakwa mgbaaka ndị ukwu ya ji aka ihe akara kaa ya akara, ka a ghara ịgbanwe ihe ọ bụla n’ihe banyere Daniel.+ 18  Eze wee gaa n’obí ya buo ọnụ n’abalị ahụ dum,+ e webataghịkwa ngwá egwú n’ihu ya, ụra agaghịkwa ya n’anya.+ 19  N’ikpeazụ, eze biliri n’isi ụtụtụ, mgbe chi bọrọ, wee jiri ọsọ gaa n’olulu ọdụm ahụ. 20  Mgbe o rutere olulu ahụ nso, o ji olu mwute kpọọ Daniel. Eze kwuru okwu wee sị Daniel: “Daniel, ohu nke Chineke dị ndụ, Chineke gị, onye ị na-efe mgbe niile,+ ọ̀ napụtaliri gị n’ọnụ ọdụm?”+ 21  Ozugbo ahụ, Daniel gwara eze, sị: “Eze, ị ga-adị ndụ ruo mgbe ebighị ebi. 22  Chineke m+ zitere mmụọ ozi ya+ wee mechie ọnụ ọdụm ndị a,+ ha adọgbughị m n’ihi na, n’anya ya, aka m dị ọcha;+ n’anya gị kwa, eze, ọ dịghị ihe ọjọọ m mere.”+ 23  Eze wee ṅụrịa ọṅụ nke ukwuu,+ o wee nye iwu ka a kpọpụta Daniel n’olulu ahụ. E wee kpọpụta Daniel n’olulu ahụ, ọkọ akọghịkwa ya, n’ihi na ọ tụkwasịrị Chineke ya obi.+ 24  Eze wee nye iwu, e wee kpọta ndị ikom ahụ boro Daniel ebubo,+ tụba ha+ na ụmụ ha na ndị nwunye ha+ n’olulu ọdụm; ha adarughị n’ala olulu ahụ tupu ọdụm ndị ahụ adọrie ha, ha tapịakwara ọkpụkpụ ha niile.+ 25  Darayọs bụ́ eze wee deere ndị niile, mba dị iche iche na ndị niile na-asụ asụsụ dị iche iche, bụ́ ndị bi n’ụwa dum, akwụkwọ,+ sị: “Udo dịrị unu nke ukwuu!+ 26  M na-eti iwu+ ka ndị mmadụ na-ama jijiji n’ihu Chineke nke Daniel ma na-atụ ya egwu n’ókèala niile dị n’alaeze m.+ N’ihi na ọ bụ Chineke dị ndụ nakwa Onye na-adịru mgbe ebighị ebi,+ alaeze ya+ bụ nke a na-agaghị ebibi ebibi,+ ọchịchị ya na-adịrukwa mgbe ebighị ebi.+ 27  Ọ na-anapụta ma na-agbapụta ndị ya,+ na-eme ihe ịrịba ama na ihe ebube n’eluigwe+ na n’elu ụwa,+ n’ihi na ọ napụtawo Daniel n’aka ọdụm.” 28  Ihe wee na-agaziri Daniel a n’alaeze Darayọs+ nakwa n’alaeze Saịrọs onye Peshia.+

Ihe E Dere n'Ala Ala Peeji