Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Nehọm 1:1-15

1  Okwu e kwuru megide Ninive:+ Akwụkwọ ọhụụ nke Nehọm, onye Elkọsh:  Jehova bụ Chineke nke chọrọ ofufe a na-ekewaghị ekewa,+ bụrụkwa onye na-abọ ọbọ; Jehova na-abọ ọbọ,+ na-ewekwa iwe.+ Jehova ga-abọ ọbọ n’ahụ́ ndị iro+ ya, ọ na-eweso ndị iro+ ya iwe.  Jehova adịghị ewe iwe ọsọ ọsọ,+ ike+ ya dịkwa ukwuu, Jehova agaghịkwa ala azụ ma ọlị n’inye ntaramahụhụ.+ N’ifufe na-ebibi ihe nakwa n’oké ifufe mmiri ka ụzọ ya dị, ígwé ojii dịkwa ka uzuzu nke ụkwụ+ ya bọliri.  Ọ na-abara oké osimiri+ mba, ọ na-emekwa ka ọ taa; ọ na-eme ka osimiri niile taa.+ Beshan na Kamel akpọnwụwo,+ okooko Lebanọn akpọnwụwokwa.  Ugwu ukwu amawo jijiji n’ihi ya, ugwu nta na-agbazekwa.+ Ụwa ga-eme mkpatụ n’ihi ihu ya; elu ala na ndị niile bi+ na ya ga-emekwa mkpatụ.  Mgbe ọ na-awụpụ iwe ya,* ònye pụrụ iguzo?+ Ònyekwa pụrụ iguzogide ọnụma+ ya dị ọkụ? A ga-awụpụ ọnụma ya dị ka ọkụ,+ a ga-akwatusịkwa oké nkume n’ihi ya.  Jehova dị mma,+ ọ bụ ebe e wusiri ike+ n’ụbọchị ahụhụ.+ Ọ makwaara ndị na-agbaba n’ime ya.+  Ọ ga-eji idei mmiri nke na-asọ asọ kpochapụ obodo+ ya, ọchịchịrị ga-achụ ndị iro+ ya ọsọ.  Gịnị ka unu ga-echepụta megide Jehova?+ Ọ na-eweta mbibi zuru ezu. Ahụhụ agaghị ebilite nke ugboro abụọ+ ya. 10  Ọ bụ ezie na ha na-agbakụ onwe ha dị ka ogwu+, mmanya ana-egbukwa ha dị ka hà ṅụbigara mmanya ọka wit+ ókè, a ga-erechapụ ha dị ka ahịhịa ọka kpọrọ nkụ+ nke ọma. 11  N’ime gị ka onye na-echepụta ihe ọjọọ+ megide Jehova ga-esi pụta, bụ́ onye na-eme atụmatụ na-abaghị uru.+ 12  Nke a bụ ihe Jehova kwuru: “Ọ bụ ezie na ha nwezuru ihe niile, e nwekwara ọtụtụ ndị dị otú ahụ, otú ahụ ka ha ga-adị e gbutuo+ ha; a ga-agabigakwa n’etiti ha. M ga-emekpa gị ahụ́, nke na agaghị m emekpa gị ahụ́ ọzọ.+ 13  M ga-agbaji osisi o ji ebu ihe nke dị n’ubu gị,+ ọ bụkwa agbụ e kere gị ka m ga-adọbi abụọ.+ 14  Jehova enyewo iwu banyere gị, sị, ‘Aha gị agaghị amị mkpụrụ ọzọ.+ M ga-ebipụ ihe oyiyi+ a pịrị apị na ihe oyiyi a wụrụ awụ n’ụlọ chi gị niile. M ga-akwadebe ebe a ga-eli gị,+ n’ihi na o nweghị uru ị bara.’ 15  “Lee! N’elu ugwu ka ụkwụ onye na-eweta ozi ọma, bụ́ onye na-ekwusa udo,+ guzo. Juda, mee ememme+ gị dị iche iche. Kwụọ ihe i kwere ná nkwa;+ n’ihi na onye na-abaghị n’ihe agaghị esi na gị+ gafere ọzọ. A ga-ebipụ+ ya kpamkpam.”

Ihe E Dere n'Ala Ala Peeji

Ne 1:6*  Ma ọ bụ, “Mgbe ọ na-ekwupụta amamikpe ya.”