Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Jọshụa 11:1-23

11  O wee ruo na ozugbo Jebin bụ́ eze Hezọ nụrụ ya, o zigaara Jobab eze Medọn+ na eze Shimrọn na eze Akshaf ozi,+  zigakwara ndị eze bi n’ebe ugwu, n’ógbè bụ́ ugwu ugwu nakwa na mbara ọzara dị n’ebe ndịda Kineret+ nakwa na Shefila+ nakwa n’ugwu nke Dọọ+ n’ebe ọdịda anyanwụ,  zigakwara ndị Kenan+ bi n’ebe ọwụwa anyanwụ nakwa n’ebe ọdịda anyanwụ, tinyere ndị Amọraịt+ na ndị Het+ na ndị Perizaịt+ na ndị Jibọs+ bi n’ógbè bụ́ ugwu ugwu nakwa ndị Haịvaịt+ bi n’ala ala ugwu Hemọn,+ ya bụ, n’ala Mizpa.+  Ha wee gaa, ha na ndị agha ha niile, bụ́ ndị dị ọtụtụ+ dị ka ájá dị n’ụsọ oké osimiri, tinyere ọtụtụ ịnyịnya+ na ụgbọ ịnyịnya agha.  Ndị eze a niile wee zukọta n’oge a kara aka wee bịa makọọ ụlọikwuu ha ọnụ n’akụkụ mmiri Merọm ibuso Izrel agha.+  Jehova wee sị Jọshụa: “Atụla egwu n’ihi ha,+ n’ihi na ụdị ugbu a echi, m ga-enyefe ha niile n’aka Izrel ka ha gbuo ha. Ị ga-ese ịnyịnya ha akwara,+ ị ga-esurekwa ụgbọ ịnyịnya ha n’ọkụ.”+  Jọshụa na ndị agha ya niile wee bịa buso ha agha na mberede n’akụkụ mmiri Merọm, gbuokwa ha.  Jehova wee nyefee ha n’aka Izrel,+ ha wee na-egbu ha ma chụrụ ha ruo Saịdọn+ nke nwere ụba mmadụ, ruokwa Misrefọt-meyim+ na ndagwurugwu* Mizpe,+ n’ebe ọwụwa anyanwụ; ha wee gbukata ha ruo mgbe ha na-ahapụghị onye ọ bụla n’ime ha ndụ.+  E mesịa, Jọshụa mere ha dị nnọọ ka Jehova gwara ya: o sere ịnyịnya ha akwara,+ sureekwa ụgbọ ịnyịnya ha n’ọkụ.+ 10  Jọshụa tụgharịkwara n’oge+ ahụ wee weghara Hezọ;+ o jikwa mma agha gbuo eze ya+ n’ihi na Hezọ bụ isi alaeze ndị a niile tupu oge ahụ. 11  Ha wee were ihu mma agha gbuo mkpụrụ obi niile nọ n’ime ya, bibie ha.+ Ọ dịghị ihe ọ bụla na-eku ume ha hapụrụ,+ o surekwara Hezọ n’ọkụ. 12  Jọshụa wee weghara obodo niile nke ndị eze a niile na-achị, nwụdekwa ndị eze ha niile ma were ihu mma agha gbuo ha.+ O bibiri ha,+ dị nnọọ ka Mozis ohu Jehova nyere n’iwu.+ 13  Ọ bụ naanị obodo ndị dị n’elu mkputamkpu ala ka Izrel na-agbaghị ọkụ, ma e wezụga Hezọ, nke bụ́ naanị obodo Jọshụa gbara ọkụ. 14  Ụmụ Izrel bukọkwaara ihe niile ha kwatara n’obodo ndị a, tinyere anụ ụlọ ha.+ Ọ bụ naanị ihe niile bụ́ mmadụ ka ha ji ihu mma agha gbuo ruo mgbe ha lara ha n’iyi.+ Ha ahapụghị onye ọ bụla na-eku ume.+ 15  Dị nnọọ ka Jehova nyere Mozis ohu ya n’iwu, otú ahụ ka Mozis nyere Jọshụa n’iwu,+ ọ bụkwa otú ahụ ka Jọshụa mere. O wepụghị otu okwu n’ihe niile Jehova nyere Mozis n’iwu.+ 16  Jọshụa wee weghara ala a dum, ya bụ, ógbè bụ́ ugwu ugwu nakwa Negeb+ dum na ala Goshen+ dum na Shefila+ na Araba+ na ógbè Izrel nke bụ́ ugwu ugwu na Shefila+ ya, 17  malite n’Ugwu Helak,+ nke dị ruo Sia,+ ruokwa Bel-gad+ nke dị na ndagwurugwu Lebanọn, n’ala ala Ugwu Hemọn,+ ọ nwụdekwara ndị eze ha niile, gbuo ha.+ 18  Jọshụa busoro ndị eze a niile agha ọtụtụ ụbọchị. 19  Ọ dịghị obodo mere ka udo dịrị n’etiti ha na ụmụ Izrel ma e wezụga ndị Haịvaịt+ bi na Gibiọn.+ Ha lụtara obodo ndị nke ọzọ niile n’agha.+ 20  N’ihi na ihe Jehova mere ha bụ ikwe ka obi ha kpọchie+ ka ha buso Izrel agha, ka o wee bibie ha, ka a ghara imere ha ebere,+ kama ka ọ laa ha n’iyi, dị nnọọ ka Jehova nyere Mozis n’iwu.+ 21  N’oge ahụ, Jọshụa gakwara gbukpọọ ụmụ Enak+ n’ógbè bụ́ ugwu ugwu, ya bụ, Hibrọn, na Diba, na Enab+ nakwa n’ógbè Juda bụ́ ugwu ugwu nakwa n’ógbè Izrel+ bụ́ ugwu ugwu. Jọshụa bibiri ha niile,+ tinyere obodo ha. 22  Ọ dịghị ụmụ Enak fọdụrụ n’ala ụmụ Izrel. Ọ bụ naanị na Geza+ nakwa na Gat+ nakwa n’Ashdọd+ ka ha fọdụrụ.+ 23  Jọshụa wee weghara ala ahụ dum, dị ka ihe niile Jehova kwere Mozis ná nkwa si dị,+ Jọshụa wee nye ya Izrel ka ọ bụrụ ihe nketa ha n’òkè n’òkè, dị ka ebo ha si dị.+ Ala ahụ enweghị nsogbu agha ọzọ.+

Ihe E Dere n'Ala Ala Peeji

Jọs 11:8*  Otú e si dee ya n’asụsụ Hibru bụ “mbara ala nke dị na ndagwurugwu.”