Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Aịzaya 27:1-13

27  N’ụbọchị ahụ, Jehova+ ga-eji oké mma agha ya siri ike, nke dịkwa ike,+ chee ihu n’ebe Levayatan,+ bụ́ agwọ na-amịgharị amịgharị,+ nọ, ee, Levayatan, bụ́ agwọ gbagọrọ agbagọ, ọ ga-egbukwa nnukwu anụ mmiri ahụ+ nke nọ n’oké osimiri.  Bụọrọnụ nwaanyị a abụ n’ụbọchị ahụ,+ sị: “Ubi vaịn+ nke mmanya ya na-agbọ ụfụfụ!  Mụ onwe m, Jehova, na-echebe ya.+ M ga na-agba ya mmiri mgbe niile.+ M ga-echebe ya ehihie na abalị+ ka onye ọ bụla ghara iche ihu n’ebe ọ nọ imegide ya.  Ọ dịghị ọnụma dị m n’obi.+ Ònye ga-enye m osisi ogwu+ na ahịhịa ka ha buso m agha? M ga-azọ ha ụkwụ. M ga-esukọta ha ọkụ otu mgbe.+  Ma ọ́ bụghị ya, ya jide aka n’ebe m e wusiri ike, ya bịa mee ka mụ na ya dị n’udo; ya bịa mee ka mụ na ya dị n’udo.”+  N’ọdịnihu, Jekọb ga-agbanye mgbọrọgwụ, Izrel+ ga-ama ifuru, waakwa alaka; ha ga-amịju mkpụrụ n’elu ala.+  À ga-eti ya ihe otú ahụ onye na-eti ya ihe si eti ya ihe? Ka à ga-egbu ya dị ka e si gbuo ndị ya e gburu egbu?+  Ị ga-eji iti mkpu nke na-emenye ụjọ lụso nwaanyị a ọgụ mgbe ị ga-achụpụ ya. Ọ ga-eji ifufe ya, nke na-efesi ike n’ụbọchị nke ifufe si n’ebe ọwụwa anyanwụ, chụpụ ya.+  Ya mere, ọ bụ otú a ka a ga-esi kpuchie njehie Jekọb,+ nke a bụkwa mkpụrụ niile ọ ga-amị mgbe o wepụrụ mmehie ya,+ mgbe o mere ka nkume niile nke ebe ịchụàjà ya dịrị ka nzụ e gwere egwe, nke mere na a gaghị ebuli ogwe osisi dị nsọ+ na ihe e ji adọba ihe nsure ọkụ na-esi ísì ụtọ.+ 10  N’ihi na a ga-agbahapụ obodo e wusiri ike, a ga-agbahapụ ala ịta ahịhịa ya, gbahapụkwa ya dị ka ala ịkpa.+ Nwa ehi ga na-ata nri n’ebe ahụ, ọ ga-amakpukwa n’ebe ahụ; ọ ga-erichapụkwa alaka ya.+ 11  Mgbe ntakịrị alaka ya kpọnwụrụ, ndị inyom na-abata ga-anyakapụ ha, mụnyekwa ha ọkụ.+ N’ihi na ha abụghị ndị dị nkọ n’ịghọta ihe.+ N’ihi ya, Onye kere ha agaghị emere ha ebere, Onye kpụrụ ha agaghịkwa emere ha amara.+ 12  Ọ ga-erukwa n’ụbọchị ahụ na Jehova ga-akụtusị mkpụrụ dị na ya,+ malite na mmiri na-asọ asọ nke Osimiri Yufretis+ ruo na ndagwurugwu Ijipt,+ a ga-atụtụtakwa unu otu otu,+ unu ụmụ Izrel. 13  Ọ ga-erukwa n’ụbọchị ahụ na a ga-afụ opi ike,+ ndị na-ala n’iyi n’ala Asiria+ na ndị a chụsara achụsa n’ala Ijipt+ ga-abịakwa kpọọrọ Jehova isiala+ n’ugwu nsọ nke dị na Jeruselem.+

Ihe E Dere n'Ala Ala Peeji