Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Aịzaya 21:1-17

21  Okwu e kwuru megide ala ịkpa nke oké osimiri:+ O si n’ala ịkpa na-abịa, site n’ala dị egwu,+ otú oké ifufe+ nke na-efe n’ebe ndịda si aga.  E nwere ọhụụ siri ike+ a kọọrọ m: Onye aghụghọ na-aghọ aghụghọ, onye na-ebukọrọ ihe mmadụ na-ebukọrọkwa ihe mmadụ.+ Ilam, gbagoo! Midia,+ nọchibido ya! Emewo m ka ude niile a na-asụ n’ihi ya kwụsị.+  Ọ bụ ya mere úkwù ji na-egbu m mgbu nke ukwuu.+ Anọ m n’ihe mgbu, dị ka ihe mgbu nke nwaanyị na-amụ nwa.+ Obi erughị m ala, n’ihi ya anaghị m anụ ihe; uche akpaghasịwo m, n’ihi ya anaghị m ahụ ụzọ.  Obi m awagharịwo; ana m ama jijiji n’ụjọ. E mewo ka chi ojiji nke na-amasịbu m ghọọ ihe na-eme ka m maa jijiji.+  Ka e doo tebụl n’usoro, ka a hazie oche, ka a na-eri, na-aṅụkwa!+ Bilienụ, unu ndị isi.+ Teenụ ọta mmanụ.+  N’ihi na nke a bụ ihe Jehova gwara m: “Gaa, debe onye nche ka ọ na-akọ ihe ọ na-ahụ.”+  O wee hụ ụgbọ agha nke ịnyịnya abụọ na-adọkpụ, ụgbọ agha nke ịnyịnya ibu na-adọkpụ, ụgbọ agha nke kamel na-adọkpụ. O wee tọọ ntị n’ala ṅasie ntị ike.  O wee kwuo n’olu ike dị ka ọdụm,+ sị: “Jehova, n’ụlọ nche ka m na-eguzo mgbe niile n’ehihie, m na-eguzokwa n’ebe m na-anọ eche nche n’abalị ọ bụla.+  Ma, lee, ụgbọ ịnyịnya agha, nke ndị mmadụ nọ na ya, na-abịa, nke ịnyịnya abụọ na-adọkpụ!”+ O wee malite ịsị: “Ọ dawo! Babịlọn adawo.+ A kụtuwo ihe oyiyi niile a pịrị apị nke chi ya n’ala!”+ 10  Unu ndị m a zọchara azọcha nakwa nwa nke si n’ebe m na-azọcha mkpụrụ,+ akọworo m unu ihe m nụrụ n’ọnụ Jehova nke ụsụụ ndị agha, bụ́ Chineke Izrel. 11  Okwu e kwuru megide Duma: Ọ dị onye nọ na Sia na-etiku m,+ sị: “Onye nche, abalị kwanụ? Onye nche, abalị kwanụ?”+ 12  Onye nche wee sị: “Chi ga-abọ, chi ga-ejikwa. Ọ bụrụ na unu chọrọ ịjụ ase, jụọnụ. Bịanụ ọzọ!” 13  Okwu e kwuru megide mbara ọzara: Unu ga-arahụ n’oké ọhịa nke dị na mbara ọzara, unu ìgwè ndị njem nke ndị Didan.+ 14  Kuterenụ onye akpịrị na-akpọ nkụ mmiri. Unu ndị bi n’ala Tima,+ wetaranụ onye na-agba ọsọ ndụ nri ka o rie. 15  N’ihi na ọ bụ mma agha mere ha ji gbaa ọsọ, n’ihi mma agha a mịpụtara amịpụta, nakwa n’ihi ụta e kwere ekwe nakwa n’ihi otú agha si kpụrụ ọkụ n’ọnụ. 16  N’ihi na nke a bụ ihe Jehova gwara m: “Tupu otu afọ agafee, dị ka afọ nke onye ọrụ e goro ego si dị,+ ebube dum nke Kida+ ga-ala n’iyi. 17  Ndị fọdụrụ n’ime ndị niile na-agba ụta, bụ́ ndị dike nke ụmụ Kida, ga-adịzi ole na ole,+ n’ihi na Jehova, bụ́ Chineke Izrel, ekwuwo ya.”+

Ihe E Dere n'Ala Ala Peeji