Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

2 Samuel 7:1-29

7  O wee ruo mgbe eze bi n’ụlọ ya,+ mgbe Jehova mekwara ka o zuoro ndị iro niile gbara ya gburugburu ike,+  eze sịrị Netan+ onye amụma: “Lee, m bi n’ụlọ e ji osisi sida+ wuo ma igbe ezi Chineke dọrọ n’etiti ákwà ụlọikwuu.”+  Netan wee gwa eze, sị: “Ihe ọ bụla dị gị n’obi—gaa mee ya,+ n’ihi na Jehova nọnyeere gị.”  O wee ruo n’abalị ahụ na okwu+ Jehova ruru Netan ntị, sị:  “Gaa gwa ohu m Devid, sị, ‘Nke a bụ ihe Jehova kwuru: “Ọ̀ bụ gị ga-ewuru m ụlọ m ga-ebi?+  N’ihi na ebitụbeghị m n’ụlọ malite n’ụbọchị m kpọpụtara ụmụ Izrel n’Ijipt ruo taa,+ kama anọ m na-ejegharị+ n’ụlọ ntu+ nakwa n’ụlọikwuu.+  N’oge niile m gagharịrị n’etiti ụmụ Izrel,+ ọ̀ dị okwu m gwara otu n’ime ebo Izrel+ nke m nyere iwu ịzụ ndị m Izrel dị ka atụrụ, sị, ‘Gịnị mere na unu ewughịrị m ụlọ e ji osisi sida wuo?’”’  Nke a bụ ihe ị ga-agwa ohu m Devid, ‘Nke a bụ ihe Jehova nke ụsụụ ndị agha kwuru: “Mụ onwe m si n’ala ịta ahịhịa, n’ebe ị na-edugharị ìgwè ewu na atụrụ,+ kpọrọ gị ka ị bụrụ onye ndú+ nke ndị m Izrel.  M ga-anọnyekwara gị n’ebe ọ bụla ị na-aga,+ m ga-ebipụkwa ndị iro gị niile n’ihu gị;+ m ga-emekwara gị oké aha,+ dị ka aha ndị ukwu bi n’ụwa. 10  M ga-enye ndị m Izrel otu ebe,+ kụọkwa+ ha dị ka mkpụrụ, ha ga-ebikwa n’ebe ha nọ, a gakwaghị eme ka ha maa jijiji; ụmụ ajọ omume agaghị emekpa ha ahụ́ ọzọ dị ka ha mere na mbụ,+ 11  ọbụna malite n’ụbọchị m mere ka ndị ikpe+ bụrụ ndị isi nke ndị m Izrel; m ga-emekwa ka i zuoro ndị iro gị niile ike.+ “‘“Jehova agwawokwa gị na Jehova ga-ewuru gị ụlọ.+ 12  Mgbe ụbọchị gị ga-ezu,+ ị ga-esoro nna nna gị hà dinaa,+ mgbe ahụ, m ga-eme ka mkpụrụ gị, nke ga-esi n’ahụ́ gị pụta, bilie mgbe ị nwụsịrị; m ga-emekwa ka alaeze ya guzosie ike.+ 13  Ọ bụ ya ga-ewuru aha m ụlọ,+ m ga-emekwa ka ocheeze nke alaeze ya guzosie ike ruo mgbe ebighị ebi.+ 14  Mụ onwe m ga-abụ nna ya,+ ya onwe ya ga-abụ nwa m.+ Mgbe o mere ihe ọjọọ, m ga-eji ụtarị+ ụmụ mmadụ na apịpịa ụmụ Adam dọọ ya aka ná ntị. 15  Ma obiọma* m agaghị esi n’ebe ọ nọ pụọ dị ka m wepụrụ ya n’ebe Sọl nọ,+ bụ́ onye m wepụrụ n’ihi gị. 16  Ụlọ gị na alaeze gị ga-eguzosi ike n’ihu gị ruo mgbe ebighị ebi; a ga-emekwa ka ocheeze gị guzosie ike ruo mgbe ebighị ebi.”’”+ 17  Netan wee gwa Devid okwu dị ka okwu ndị a niile si dị nakwa dị ka ọhụụ a dum si dị.+ 18  Eze Devid wee bata nọdụ ala n’ihu Jehova wee sị: “Ònye ka m bụ,+ Ọkaakaa Onyenwe anyị Jehova? Gịnịkwa ka ụlọ m bụ mere i ji meere m ihe a niile? 19  Dị ka à ga-asị na nke a bụ ihe nta n’anya gị, Ọkaakaa Onyenwe anyị Jehova, ị na-ekwukwa ihe ga-eme mgbe dị anya n’ọdịnihu banyere ụlọ ohu gị; nke a bụkwa iwu e nyere ụmụ mmadụ,+ Ọkaakaa Onyenwe anyị Jehova.+ 20  Gịnị ọzọ ka Devid ga-agwa gị, ebe gị onwe gị maara ohu gị nke ọma,+ Ọkaakaa Onyenwe anyị Jehova? 21  N’ihi okwu+ gị nakwa dị ka o si dị gị mma n’obi,+ i mewo oké ihe ndị a niile iji mee ka ohu gị mara ha.+ 22  Ọ bụ ya mere i ji dị ukwuu n’ezie,+ Ọkaakaa Onyenwe anyị Jehova; n’ihi na ọ dịghị onye ọzọ dị ka gị,+ ọ dịghịkwa Chineke dịnụ ma e wezụga gị+ n’ime chi niile anyị jiworo ntị anyị nụ. 23  Oleekwa mba dị n’ụwa nke dị ka ndị gị Izrel,+ bụ́ ndị Chineke gara gbapụtara onwe ya ka ha bụrụ ndị ya,+ iji meere onwe ya aha+ nakwa iji meere ha oké ihe na ihe dị egwu+—iji chụpụ mba dị iche iche na chi ha n’ihi ndị gị, bụ́ ndị i si n’Ijipt gbapụtara+ onwe gị? 24  I wee mee ka ndị gị Izrel+ guzosiere gị ike dị ka ndị gị ruo mgbe a na-akaghị aka; gị onwe gị kwa, Jehova, abụrụwo Chineke ha.+ 25  “Ugbu a, Jehova Chineke, mezuo ihe i kwuru banyere ohu gị nakwa banyere ụlọ ya ruo mgbe ebighị ebi, mee nnọọ dị ka i kwuru.+ 26  Ka aha nke gị dị ukwuu ruo mgbe ebighị ebi,+ ka ndị mmadụ wee sị, ‘Jehova nke ụsụụ ndị agha bụ Chineke Izrel,’+ ka ụlọ ohu gị Devid guzosiekwa ike n’ihu gị.+ 27  N’ihi na gị onwe gị, Jehova nke ụsụụ ndị agha bụ́ Chineke Izrel, ekpugheworo ohu gị, sị, ‘M ga-ewuru gị ụlọ.’+ Ọ bụ ya mere ohu gị ji nwee obi ike ikpeku gị ekpere a.+ 28  Ugbu a, Ọkaakaa Onyenwe anyị Jehova, ọ bụ gị bụ ezi Chineke; ka okwu gị bụrụkwa eziokwu,+ ebe i kwere ohu gị nkwa ihe ọma a.+ 29  Biko, hụ na ị gọziri+ ụlọ ohu gị ka o wee dịruo mgbe ebighị ebi n’ihu gị;+ n’ihi na gị onwe gị, Ọkaakaa Onyenwe anyị Jehova, ekwewo nkwa, n’ihi ngọzi gị, ka ụlọ ohu gị bụrụ ihe a gọziri agọzi ruo mgbe ebighị ebi.”+

Ihe E Dere n'Ala Ala Peeji

2Sa 7:15*  Ma ọ bụ, “ịhụnanya na-adịgide adịgide.”