Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

2 Ndị Kọrịnt 8:1-24

8  Ma, ụmụnna anyị, anyị na-eme ka unu mara banyere obiọma Chineke nke na-erughịrị mmadụ nke e nyere ọgbakọ ndị dị na Masedonia,+  na n’oge ha nọ ná mmekpa ahụ́ n’ihi oké ule ha nọ na ya, ọṅụ dị ukwuu ha nwere kpaliri ha igosi na ha bara ọgaranya n’ụzọ ime mmụọ+ site n’oké mmesapụ aka ha, n’agbanyeghị na ha dara ogbenye nke ukwuu.  N’ihi na dị ka ike ha hà n’ezie,+ ee, m na-agba akaebe na nke a bụ karịa otú ike ha hà n’ezie.  Ha onwe ha rịọsiri anyị arịrịọ ike dị ka ha kpebiri n’onwe ha, ka anyị kwe ka ha nwee ihe ùgwù nke iji obiọma na-enye ihe, ka ha kerekwa òkè n’ozi a na-ejere ndị nsọ.+  Ọ bụghịkwa naanị dị ka anyị tụrụ anya ya, kama ha bu ụzọ nyefee onwe ha n’aka Onyenwe anyị+ nakwa n’aka anyị site n’uche Chineke.  Ọ bụ ya mere anyị ji gbaa Taịtọs+ ume na ebe ọ bụ ya malitere ya n’etiti unu, otú ahụkwa, ya mee ka ụdị iji obiọma na-enye ihe dị otú a nke unu na-enye zuo ezu.  Otú o sina dị, dị nnọọ ka unu bara ọgaranya n’ihe niile,+ n’okwukwe na n’okwu na n’ihe ọmụma+ na n’ịnụ ọkụ n’obi niile nakwa n’ịhụnanya a anyị nwere n’ebe unu nọ, baakwanụ ọgaranya n’iji obiọma na-enye ihe a nke a na-enye.  Ọ bụghị inye unu iwu,+ kama ihe mere m ji na-ekwu ya bụ n’ihi otú o si dị ndị ọzọ ọkụ n’obi nakwa iji chọpụta ma ịhụnanya unu ọ̀ bụ nke ezigbo ya.  N’ihi na unu maara obiọma Onyenwe anyị Jizọs Kraịst nke na-erughịrị mmadụ, na ọ bụ ezie na ọ bara ọgaranya, ọ dara ogbenye n’ihi unu,+ ka unu wee baa ọgaranya+ site n’ịda ogbenye ya. 10  Ana m ekwukwa uche m n’ihe a:+ n’ihi na okwu a baara unu uru,+ ebe ọ bụ na n’otu afọ gara aga, unu malitere, ọ bụghị naanị ime ya eme, kamakwa ịchọ ime ya;+ 11  ugbu a, mechaakwanụ ya, ka ọ ga-abụ, dị nnọọ ka e nwere ịdị njikere ịchọ ime ya, otú a kwa ka e kwesịrị imecha ya, site n’ihe unu nwere. 12  N’ihi na ọ bụrụ na unu bu ụzọ dịrị njikere, ọ bụ ihe a na-anabata karịsịa dị ka ihe mmadụ nwere si dị,+ ọ bụghị dị ka ihe mmadụ na-enweghị si dị. 13  N’ihi na ebughị m n’uche ka ọ dịrị ndị ọzọ mfe,+ ma siere unu ike; 14  kama site n’ime ka ihe hara nhata, ka ihe mafọọrọ unu wee mejuo ihe kọrọ ha ka ọ dị ugbu a, ka ihe mafọọrọ ha wee mejuokwa ihe kọrọ unu, ka e wee nwee ịha nhata.+ 15  Dị nnọọ ka e dere, sị: “Onye nwere ihe dị ukwuu enweghị ihe dị ukwuu gabiga ókè, onye nwere ihe dị nta enweghị ihe dịbigara nta oké.”+ 16  Ma ekele dịrị Chineke maka itinye n’obi Taịtọs+ otu ịdị ọkụ n’obi ahụ e nwere maka unu, 17  n’ihi na ọ nabatara agbamume ahụ n’ezie, ma, ebe ọ dị ya ọkụ n’obi nke ukwuu, ọ na-abịakwute unu dị ka o kpebiri n’onwe ya. 18  Ma anyị na-ezite ya na nwanna ahụ, onye a na-aja mma n’ọgbakọ niile n’ihi ihe ọ na-eme maka oziọma. 19  Ọ bụghị naanị nke ahụ, kama ọgbakọ ndị ahụ họpụtakwara+ ya ka o soro anyị na-ejegharị n’ihe banyere onyinye obiọma a nke anyị na-eje ozi maka ya iji nye Onyenwe anyị otuto,+ iji gosikwa na anyị dị njikere.+ 20  Ya mere, anyị na-ezere ime ka onye ọ bụla hụta mmejọ+ n’aka anyị n’ihe banyere onyinye mmesapụ aka+ nke a anyị na-eje ozi maka ya. 21  N’ihi na anyị “ji ime ihe n’eziokwu na-eme ndokwa, ọ bụghị naanị n’anya Jehova, kamakwa n’anya ụmụ mmadụ.”+ 22  Anyị na-ezitekwa ha na nwanna anyị, onye anyị chọpụtaworo ọtụtụ mgbe n’ọtụtụ ihe na ọ dị ọkụ n’obi, ma ugbu a, ọ dị ọkụ n’obi nke ukwuu karị n’ihi obi ike dị ukwuu o nwere n’ebe unu nọ. 23  Otú ọ dị, ọ bụrụ na e nwere ajụjụ ọ bụla banyere Taịtọs, ọ bụ onye òtù m na onye ọrụ ibe m+ maka ọdịmma unu; ma ọ bụ, n’ihe banyere ụmụnna anyị, ha bụ ndịozi nke ọgbakọ dị iche iche na ebube nke Kraịst. 24  Ya mere, gosinụ ha ihe àmà nke ịhụnanya unu+ na ihe anyị ji nyaa isi+ banyere unu, n’ihu ọgbakọ dị iche iche.

Ihe E Dere n'Ala Ala Peeji