Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

1 Samuel 4:1-22

4  Okwu Samuel wee na-eru Izrel dum ntị. Izrel wee gaa ibuso ndị Filistia agha; ha wee maa ụlọikwuu ha n’akụkụ Ebeniza,+ ndị Filistia makwara ụlọikwuu ha n’Efek.+  Ndị Filistia wee hazie onwe ha n’usoro+ ibuso Izrel agha, agha ahụ wee dịrị Izrel njọ, ndị Filistia wee merie ha,+ gbuo ihe dị ka puku ndị ikom anọ n’ọgbọ agha, n’ọhịa.  Mgbe ndị Izrel bịarutere n’ebe ha mara ụlọikwuu, ndị okenye Izrel malitere ịsị: “Gịnị mere Jehova ji merie anyị taa n’ihu ndị Filistia?+ Ka anyị gaa Shaịlo buru igbe ọgbụgba ndụ Jehova,+ ka ọ bata n’etiti anyị ma zọpụta anyị n’ọbụ aka ndị iro anyị.”  Ha wee ziga ndị mmadụ na Shaịlo, ha wee si n’ebe ahụ bute igbe ọgbụgba ndụ Jehova nke ụsụụ ndị agha, bụ́ onye nọ ọdụ n’elu cherọb.+ Ụmụ abụọ Ilaị bụ́ Họfnaị na Finihas nọkwa n’ebe ahụ igbe ọgbụgba ndụ nke ezi Chineke dị.+  O wee ruo na ngwa ngwa e bubatara igbe ọgbụgba ndụ Jehova n’ebe ha mara ụlọikwuu, ndị Izrel niile malitere iti mkpu n’oké olu,+ nke mere na ebe niile gbara aghara.  Ndị Filistia nụkwara mkpu ahụ a na-eti wee malite ịsị: “Gịnị ka oké mkpu a na-eti+ n’ebe ndị Hibru mara ụlọikwuu pụtara?” N’ikpeazụ, ha chọpụtara na e bubatawo igbe Jehova n’ebe ha mara ụlọikwuu.  Egwu wee jide ndị Filistia, n’ihi na, ha sịrị: “Chineke abatawo n’ebe ha mara ụlọikwuu!”+ Ha wee sị: “Anyị efuola, n’ihi na ihe dị otú a emetụbeghị!  Anyị efuola! Ònye ga-azọpụta anyị n’aka Chineke a dị ebube? Nke a bụ Chineke ahụ ji ụdị ihe otiti ọ bụla gbuo Ijipt n’ala ịkpa.+  Nweenụ obi ike, meekwanụ ka ndị dimkpa, unu ndị Filistia, ka unu wee ghara ijere ndị Hibru ozi dị nnọọ ka ha jeere unu ozi;+ meenụ ka ndị dimkpa, buokwanụ agha!” 10  Ndị Filistia wee buo agha, e wee merie Izrel,+ onye ọ bụla n’ime ha wee gbaa ọsọ gbaga n’ụlọikwuu ya;+ ndị e gburu wee dị nnọọ ukwuu,+ nke mere na n’etiti ndị Izrel, puku ndị ikom iri atọ ndị ji ụkwụ aga nwụrụ.+ 11  E bukwaara igbe Chineke,+ ụmụ abụọ Ilaị, bụ́ Họfnaị na Finihas, nwụkwara.+ 12  Otu nwoke bụ́ onye ebo Benjamin, nke yi uwe mwụda dọwara adọwa,+ onye kpokwasịkwara ájá n’isi ya,+ ji ọsọ gbapụta n’ọgbọ agha wee gbarute Shaịlo n’ụbọchị ahụ. 13  Mgbe ọ gbarutere, Ilaị nọ ọdụ n’oche dị n’akụkụ ụzọ, na-ele anya, n’ihi na obi na-ama ya jijiji maka igbe nke ezi Chineke.+ Nwoke ahụ wee banye n’obodo ka ọ kọọ ihe merenụ, obodo ahụ dum wee malite ịkwa ákwá. 14  Ilaị wee nụ mkpu ákwá ahụ. O wee sị: “Gịnị ka ọgba aghara a m na-anụ ụda ya pụtara?”+ Nwoke ahụ wee mee ngwa ka ọ banye kọọrọ Ilaị. 15  (Ilaị gbara afọ iri itoolu na asatọ, anya ya anaghịkwa emegharị emegharị nke mere na o nweghị ike ịhụ ụzọ.)+ 16  Nwoke ahụ wee sị Ilaị: “Ọ bụ m bụ onye si n’ọgbọ agha, m si n’ọgbọ agha gbalata taa.” O wee sị: “Nwa m, gịnị mere?” 17  Onye ahụ nke bịara izi ozi wee zaa, sị: “Izrel esiwo n’ihu ndị Filistia gbaa ọsọ, e meriwokwa ndị Izrel nke ukwuu;+ ụmụ gị abụọ—Họfnaị na Finihas+—anwụwokwa, e buruwokwa igbe nke ezi Chineke.”+ 18  O wee ruo na ozugbo ọ kpọtara igbe nke ezi Chineke aha, ọ malitere ịda n’oche ya wee dalaa azụ n’akụkụ ọnụ ụzọ ámá, olu ya wee gbajie, o wee nwụọ, n’ihi na nwoke ahụ emewo agadi, o bukwara ibu; ya onwe ya kpere Izrel ikpe afọ iri anọ. 19  Nwunye nwa ya, bụ́ nwunye Finihas, dị ime ọmụmụ, o wee nụ akụkọ ahụ bụ́ na e buuru igbe ezi Chineke nakwa na nna di ya na di ya anwụọla. O wee tukwuru malite ịmụ nwa, n’ihi na ime malitere ime ya na mberede.+ 20  Mgbe ọ na-aga ịnwụ, ụmụ nwaanyị ndị guzo ya n’akụkụ malitere ịsị ya: “Atụla egwu, n’ihi na ọ bụ nwa nwoke ka ị mụrụ.”+ Ọ tụpụghị ọnụ, o tinyeghịkwa obi ya n’okwu ahụ. 21  Ma ọ gụrụ nwa ahụ Ịkabọd,+ sị: “Ebube esiwo n’Izrel pụọ gaa ná mba ọzọ,”+ ọ bụ n’ihi igbe nke ezi Chineke ahụ e buuru nakwa n’ihi nna di ya na di ya.+ 22  O wee sị: “Ebube esiwo n’Izrel pụọ gaa ná mba ọzọ,+ n’ihi na e buruwo igbe nke ezi Chineke.”+

Ihe E Dere n'Ala Ala Peeji