Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

1 Ihe E Mere 26:1-32

26  Otú a ka e si kee ndị nche ọnụ ụzọ ámá+ n’ìgwè n’ìgwè: Ndị si n’agbụrụ Kora+ bụ Meshelemaya+ nwa Kore, onye si n’agbụrụ Esaf.  Meshelemaya mụrụ ụmụ ndị ikom: Zekaraya bụ́ ọkpara ya, Jedayel bụ nwa ya nke abụọ, Zebadaya bụ nwa ya nke atọ, Jatniel bụ nwa ya nke anọ,  Ilam bụ nwa ya nke ise, Jehohenan bụ nwa ya nke isii, Elaịho-inaị bụ nwa ya nke asaa.  Obed-idọm+ mụrụ ụmụ ndị ikom: Shemaya bụ́ ọkpara ya, Jehọzabad bụ nwa ya nke abụọ, Joa bụ nwa ya nke atọ, Seka bụ nwa ya nke anọ, Netanel bụ nwa ya nke ise,  Amiel bụ nwa ya nke isii, Ịsaka bụ nwa ya nke asaa, Piuletaị bụ nwa ya nke asatọ; n’ihi na Chineke gọziri ya.+  A mụụrụ Shemaya nwa ya ụmụ ndị ikom bụ́ ndị na-achị achị n’ụlọ nna ha, n’ihi na ha bụ ndị dike ruru eru.  Ụmụ Shemaya bụ Ọtnaị na Refael na Obed, Elzebad, bụ́ onye ụmụnne ya bụ́ Elaịhu na Semakaya bụ ndị ruru eru.  Ndị a niile bụ ụmụ Obed-idọm, ha na ụmụ ha na ụmụnne ha, ndị ruru eru ma dị ike ịrụ ọrụ, dị mmadụ iri isii na abụọ bụ́ ndị Obed-idọm nwere.  Meshelemaya+ mụrụ ụmụ, nweekwa ụmụnne, bụ́ ndị ikom ruru eru, ha dị mmadụ iri na asatọ. 10  Hosa bụ́ onye si n’agbụrụ Meraraị mụrụ ụmụ. Shimraị bụ onyeisi, ọ bụghị ya bụ ọkpara+ kama nna ya họpụtara ya ka ọ bụrụ onyeisi;+ 11  Hilkaya bụ onye nke abụọ, Tebalaya bụ onye nke atọ, Zekaraya bụ onye nke anọ. Ụmụ Hosa niile na ụmụnne ya dị iri na atọ. 12  N’ime ìgwè ndị a bụ́ ndị nche ọnụ ụzọ ámá, ndị isi ọrụ ha nwere ọrụ dị nnọọ ka ụmụnne ha nwere,+ ya bụ, ije ozi n’ụlọ Jehova. 13  Ha wee feere ma onye nta ma onye ukwu nza+ dị ka ọnụmara ha dị iche iche si dị,+ maka ọnụ ụzọ ámá dị iche iche. 14  Nza e fere maka ebe ọwụwa anyanwụ wee ma Shelemaya.+ Ha fere nza maka Zekaraya+ nwa ya, bụ́ onye ndụmọdụ+ nke nwere ezi uche, nza mara ya wee bụrụ maka ebe ugwu.+ 15  Nke mara Obed-idọm bụ maka ebe ndịda, ụmụ ya+ nwetakwara ụlọ nkwakọba ihe.+ 16  Nke mara Shọpim na Hosa+ bụ maka ebe ọdịda anyanwụ nke dị nso n’Ọnụ Ụzọ Ámá Shaleket, n’akụkụ okporo ụzọ gara ebe mgbago, otu ìgwè ndị nche+ nọ n’akụkụ ìgwè ndị nche+ nke ọzọ; 17  ndị Livaị isii na-anọ n’ebe ọwụwa anyanwụ; anọ n’ebe ugwu n’otu ụbọchị; anọ n’ebe ndịda n’otu ụbọchị;+ ha na-anọkwa abụọ abụọ n’ụlọ nkwakọba ihe;+ 18  n’ihe owuwu ụzọ mbata nke dị n’ebe ọdịda anyanwụ, mmadụ anọ na-anọ n’okporo ụzọ,+ mmadụ abụọ na-anọ n’ihe owuwu ụzọ mbata ahụ. 19  Ọ bụ otú a ka e si kee ndị nche ọnụ ụzọ ámá bụ́ ndị si n’agbụrụ Kora+ na ụmụ Meraraị,+ n’ìgwè n’ìgwè. 20  A bịa n’ụmụ Livaị, Ahaịja na-elekọta akụ̀+ dị n’ụlọ ezi Chineke, na-elekọtakwa akụ̀ ndị e doro nsọ.+ 21  N’ime ụmụ Ledan,+ ya bụ, ndị si n’agbụrụ Geshọn, ndị Ledan mụrụ; ndị bụ́ ndị isi n’ọnụmara dị iche iche nke Ledan, onye agbụrụ Geshọn, e nwere Jehayelaị.+ 22  Ụmụ Jehayelaị, bụ́ Zitam na Joel+ nwanne ya, na-elekọta akụ̀+ dị n’ụlọ Jehova. 23  A bịa n’ụmụ Amram, ụmụ Izha, ụmụ Hibrọn, ụmụ Ọziel,+ 24  ọ bụ Shebuel+ nwa Geshọm nwa Mozis bụ onye ndú nke na-elekọta ụlọ nkwakọba ihe. 25  A bịa n’ụmụnne ya, bụ́ ụmụ Elịiza,+ e nwere Rehabaya+ nwa ya na Jesheya nwa Rehabaya na Joram nwa Jesheya na Zikraị nwa Joram na Shelomọt nwa Zikraị. 26  Shelomọt a na ụmụnne ya na-elekọta akụ̀ niile e doro nsọ,+ ndị Devid+ bụ́ eze na ndị isi ọnụmara dị iche iche+ na ndị isi nke otu puku otu puku ndị agha na nke otu narị otu narị ndị agha nakwa ndị isi ụsụụ ndị agha doro nsọ. 27  Ha si n’ihe e nwetara n’agha+ nakwa n’ihe a kwatara akwata+ doo ihe dị iche iche nsọ maka ilekọta ụlọ Jehova. 28  Ha na-elekọtakwa ihe niile Samuel bụ́ onye ọhụ ụzọ+ na Sọl nwa Kish na Abna+ nwa Nee na Joab+ nwa Zeruya+ doro nsọ. Shelomit na ụmụnne ya na-ahụ maka ihe onye ọ bụla doro nsọ. 29  N’ime ụmụ Izha,+ Kenanaya na ụmụ ya na-ahụ maka ọrụ a na-anọghị n’ime ụlọ nsọ na-arụ+ dị ka ndị ọrụ na ndị ikpe+ Izrel. 30  N’ụmụ Hibrọn,+ Hashabaya na ụmụnne ya, bụ́ ndị ikom ruru eru,+ ndị dị otu puku mmadụ na narị asaa, na-elekọta ndị Izrel bi n’ógbè Jọdan, n’ebe ọdịda anyanwụ, n’ihe metụtara ọrụ Jehova dum nakwa ozi a na-ejere eze. 31  A bịa n’ụmụ Hibrọn, Jeraịja+ bụ onyeisi ọnụmara na ezinụlọ dị iche iche nke ụmụ Hibrọn. N’afọ nke iri anọ+ nke ọbụbụeze Devid, a chọgharịrị wee hụ ndị dimkpa bụ́ ndị dike n’etiti ha n’ime Jeza+ nke dị na Gilied.+ 32  Ụmụnne ya, bụ́ ndị ikom ruru eru,+ dị puku mmadụ abụọ na narị asaa, bụ́ ndị isi ọnụmara dị iche iche.+ Devid bụ́ eze wee mee ha ndị na-elekọta ụmụ Ruben na ụmụ Gad na ọkara ebo ụmụ Manase,+ ka ha na-ahụ maka okwu ọ bụla metụtara ezi Chineke na okwu+ metụtara eze.

Ihe E Dere n'Ala Ala Peeji