Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Ọpụpụ 20:1-26

20  Chineke wee kwuo okwu ndị a niile, sị:+  “Abụ m Jehova Chineke gị,+ onye kpọpụtara gị n’ala Ijipt, n’ụlọ ndị ohu.+  Enwela chi ọ bụla ọzọ+ tinyere m.  “Emerela onwe gị ihe oyiyi a pịrị apị ma ọ bụ ọdịdị nke yiri ihe ọ bụla dị n’eluigwe ma ọ bụ nke dị n’elu ụwa ma ọ bụ nke dị na mmiri n’okpuru ụwa.+  Akpọrọla ha isiala, ekwekwala ka a rata gị ife ha ofufe,+ n’ihi na mụ onwe m bụ́ Jehova Chineke gị bụ Chineke nke chọrọ ofufe a na-ekewaghị ekewa,+ onye na-enye ndị bụ́ ụmụ ntaramahụhụ maka njehie nna ha, na-enyekwa ọgbọ nke atọ na ọgbọ nke anọ, ma ọ bụrụ ndị kpọrọ m asị;+  ma na-egosi ọbụna otu puku ọgbọ obiọma,* ma ọ bụrụ ndị hụrụ m n’anya ma na-edebe ihe m nyere n’iwu.+  “Ejila aha Jehova bụ́ Chineke gị eme ihe efu,+ n’ihi na Jehova agaghị ahapụ onye ji aha ya eme ihe efu n’enyeghị ya ntaramahụhụ.+  “Cheta ụbọchị izu ike ka i doo ya nsọ,+  ị ga-eji ụbọchị isii jee ozi ma rụọ ọrụ gị niile.+ 10  Ma ụbọchị nke asaa bụ ụbọchị izu ike nye Jehova bụ́ Chineke gị.+ Arụla ọrụ ọ bụla, gị onwe gị ma ọ bụ nwa gị nwoke ma ọ bụ nwa gị nwaanyị, ohu gị nwoke ma ọ bụ ohu gị nwaanyị ma ọ bụ anụ ụlọ gị ma ọ bụ onye mbịarambịa nke bi n’obodo gị.+ 11  N’ihi na ụbọchị isii ka Jehova kere eluigwe na ụwa, oké osimiri na ihe niile dị n’ime ha,+ o wee zuwe ike n’ụbọchị nke asaa.+ Ọ bụ ya mere Jehova ji gọzie ụbọchị izu ike ma mee ka ọ dị nsọ.+ 12  “Sọpụrụ nna gị na nne gị+ ka ụbọchị gị wee dị ogologo n’ala Jehova bụ́ Chineke gị ga-enye gị.+ 13  “Egbula ọchụ.+ 14  “Akwala iko.+ 15  “Ezula ohi.+ 16  “Agbagidela mmadụ ibe gị akaebe ụgha.+ 17  “Agụụ ụlọ mmadụ ibe gị agụla gị. Agụụ nwunye mmadụ ibe gị,+ ma ọ bụ ohu ya nwoke ma ọ bụ ohu ya nwaanyị ma ọ bụ ehi ya ma ọ bụ ịnyịnya ibu ya ma ọ bụ ihe ọ bụla bụ́ nke mmadụ ibe gị, agụla gị.”+ 18  Mmadụ niile nọ na-anụ ụda égbè eluigwe na ụda opi ahụ, na-ahụkwa àmụ̀mà na-egbunụ nakwa ka ugwu ahụ na-akwụ anwụrụ. Mgbe ha hụrụ ya, ha mara jijiji ma guzoro n’ebe dịtụ anya.+ 19  Ha wee malite ịsị Mozis: “Gị onwe gị gwawa anyị okwu ka anyị gewe ntị; ma, ka Chineke ghara ịgwa anyị okwu ka anyị ghara ịnwụ.”+ 20  Mozis wee sị ha: “Unu atụla egwu, n’ihi na ọ bụ ile unu ule mere ezi Chineke ji bịa,+ nakwa ka egwu ya wee dịgide n’ihu unu ka unu wee ghara imehie.”+ 21  Ha wee guzoro n’ebe dịtụ anya, ma Mozis garuru ígwé ojii ahụ nso bụ́ ebe ezi Chineke nọ.+ 22  Jehova wee gaa n’ihu ịsị Mozis:+ “Nke a bụ ihe ị ga-agwa ụmụ Izrel, ‘Unu onwe unu ahụwo na ọ bụ site n’eluigwe ka m gwara unu okwu.+ 23  Unu emela chi ọlaọcha tinyere m, unu emekwarala onwe unu chi ọlaedo.+ 24  Ị ga-eji ájá wuoro m ebe ịchụàjà,+ ị ga-achụkwa àjà nsure ọkụ gị na àjà udo gị, ìgwè atụrụ gị na ìgwè ehi gị,+ n’elu ya. N’ebe ọ bụla m ga-eme ka a na-echeta aha m ka m ga-abịakwute gị, m ga-agọzikwa gị.+ 25  Ọ bụrụkwa na ị ga-eji nkume wuoro m ebe ịchụàjà, ejila nkume a wara awa wuo ya. Ọ bụrụ na i metụ ya mma chịzụl, ị ga-emerụ ya.+ 26  Arụla ebe ị ga-esi na-arịgo n’ebe ịchụàjà m, ka e wee ghara ikpughe ọtọ gị n’elu ya.’

Ihe E Dere n'Ala Ala Peeji

Ọpụ 20:6*  Ma ọ bụ, “ịhụnanya na-adịgide adịgide.”