Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Ọnụ Ọgụgụ 23:1-30

23  Belam wee gwa Belak, sị: “Wuoro m ebe ịchụàjà asaa n’ebe a,+ kwadebekwara m oké ehi asaa na ebule asaa n’ebe a.”  Ozugbo ahụ, Belak mere kpọmkwem dị ka Belam kwuru. E mesịa, Belak na Belam chụrụ otu oké ehi na otu ebule n’àjà n’ebe ịchụàjà nke ọ bụla.+  Belam wee gaa n’ihu ịgwa Belak, sị: “Guzo n’akụkụ àjà nsure ọkụ gị+ ka m gaa. Ikekwe, Jehova ga-abịakwute m. Ọ bịakwute m,+ m ga-agwa gị ihe ọ bụla o gosiri m.” O wee gbagoo n’ugwu ọhịa na-adịghị.  Mgbe Chineke bịakwutere Belam,+ Belam sịrị ya: “M doro ebe ịchụàjà asaa n’ahịrị, m wee chụọ otu oké ehi na otu ebule n’àjà n’ebe ịchụàjà nke ọ bụla.”+  Jehova wee tinye okwu n’ọnụ Belam,+ sị: “Laghachikwuru Belak, nke a bụkwa ihe ị ga-ekwu.”+  O wee laghachikwuru ya, ma, lee! ya na ndị isi niile nke Moab guzo n’akụkụ àjà nsure ọkụ ya.  O wee jiri ilu+ malite ikwu, sị: “Belak eze Moab nwara isi n’Eram+ duru m, Site n’ugwu ndị dị n’ebe ọwụwa anyanwụ wee sị: ‘Bịa bụọrọ m Jekọb ọnụ. Ee, bịa kọchaa Izrel.’+   Olee otú m ga-esi bụọ ndị Chineke na-abụghị ọnụ ọnụ?+ Olee otú m ga-esi kọchaa ndị Jehova na-akọchaghị?+   N’ihi na n’elu oké nkume ka m si na-ahụ ha, N’ugwu ka m sikwa na-ahụ ha. Ha bipụrụ iche+ n’ebe ahụ n’ụlọikwuu dị ka otu mba, Ha adịghị agụnye onwe ha+ ná ndị mba ọzọ. 10  Ònye gụtụworo ájá Jekọb ọnụ,+ Ònye gụtụwokwara otu ụzọ n’ụzọ anọ nke Izrel ọnụ? Ka mkpụrụ obi m nwụọ ọnwụ ndị ezi omume,+ Ka ikpeazụ m mesịa dị ka nke ha.”+ 11  Belak wee sị Belam: “Gịnị bụ ihe a i mere m? Ọ bụ ka ị bụọ ndị iro m ọnụ mere m ji kpọta gị, ma, lee, ị gọziwo ha gabiga ókè.”+ 12  O wee zaa, sị: “Ọ́ bụghị ihe ọ bụla Jehova tinyere n’ọnụ m ka m ga-ahụ na m kwuru?”+ 13  Belak wee sị ya: “Biko, soro m gaa ebe ọzọ ị pụrụ ịnọ hụ ha. Ọ bụ naanị otu nsọtụ ha ka ị ga-ahụ,+ ị gaghị ahụcha ha niile. Si n’ebe ahụ bụọrọ m ha ọnụ.”+ 14  O wee kpọrọ ya gaa n’ala Zofim, n’elu Pisga,+ wee wuo ebe ịchụàjà asaa ma chụọ otu oké ehi na otu ebule n’àjà n’ebe ịchụàjà nke ọ bụla.+ 15  E mesịa, ọ sịrị Belak: “Guzo n’ebe a n’akụkụ àjà nsure ọkụ gị, ka mụ onwe m gakwuru ya n’ebe ahụ.” 16  Jehova wee bịakwute Belam wee tinye okwu n’ọnụ ya, sị:+ “Laghachikwuru Belak,+ nke a bụkwa ihe ị ga-ekwu.” 17  O wee bịakwute ya, ma, lee! o guzo n’akụkụ àjà nsure ọkụ ya, ya na ndị isi Moab. Belak wee sị ya: “Gịnị ka Jehova kwuru?” 18  O wee jiri ilu malite ikwu, sị:+ “Belak, bilie gee ntị. Nwa Zipọ,+ ṅaa m ntị. 19  Chineke abụghị mmadụ nke na ọ ga-agha ụgha,+ Ọ bụghịkwa nwa nke mmadụ nke na ọ ga-akwa ụta.+ Ọ bụrụ na o kwuo ihe, ọ́ gaghị eme ya, Ọ bụrụ na o kwuo okwu, ọ́ gaghị emezu ya?+ 20  Lee! A kpọtawo m ka m nye ngọzi, Ya onwe ya agọziwokwa,+ agaghị m agbanwe ya.+ 21  Ọ dịghị ike anwansi+ ọ bụla ọ hụrụ megide Jekọb, Ọ dịghịkwa nsogbu ọ bụla ọ hụrụ megide Izrel. Jehova bụ́ Chineke ya nọnyeere ya,+ Mkpu otuto a na-etiri eze na-ada n’etiti ya. 22  Chineke si n’Ijipt na-akpọpụta ha.+ Ịwụ ọsọ ya dị ka nke atụ́.+ 23  N’ihi na ọ dịghị ọgwụ ọ bụla a ga-akọ Jekọb,+ Ọ dịghịkwa afa a ga-agba megide Izrel.+ A pụrụ ikwu ugbu a banyere Jekọb na Izrel, sị, ‘Lee nnọọ ihe Chineke rụrụ!’+ 24  Lee, otu mba ga-ebili dị ka ọdụm, Ọ bụkwa dị ka ọdụm ka ọ ga-ebili.+ Ọ gaghị amakpuru ruo mgbe o riri anụ o gbutere, Ọ ga-aṅụkwa ọbara ndị e gburu egbu.”+ 25  Belak wee sị Belam: “Ọ bụrụgodị na i nweghị ike ịbụtụ ha ọnụ, i kwesịghị ịgọzi ha ma ọlị.” 26  Belam wee zaa Belak, sị: “Ọ̀ bụ na mụ agwaghị gị, sị, ‘Ọ bụ ihe niile Jehova ga-ekwu ka m ga-eme’?”+ 27  Belak wee sị Belam: “Biko, bịa. Ka m kpọrọ gị gaa ebe ọzọ. Ikekwe, ọ ga-adị mma n’anya ezi Chineke ka ị nọrọ ebe ahụ bụọrọ m ha ọnụ.”+ 28  Belak wee kpọrọ Belam gaa n’elu Piọ, nke chere Jeshaịmọn+ ihu. 29  Belam+ wee sị Belak: “Wuoro m ebe ịchụàjà asaa n’ebe a, kwadebekwara m oké ehi asaa na ebule asaa n’ebe a.”+ 30  Belak wee mee dị ka Belam kwuru, o wee chụọ otu oké ehi na otu ebule n’àjà n’ebe ịchụàjà nke ọ bụla.+

Ihe E Dere n'Ala Ala Peeji