Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Akwụkwọ Mgbaafọ Ndịàmà Jehova nke 2016

 INDONESHIA

O Ji Ofufe Chineke Kpọrọ Ihe

Thio Seng Bie

O Ji Ofufe Chineke Kpọrọ Ihe
  • A MỤRỤ YA N’AFỌ 1906

  • E MERE YA BAPTIZIM N’AFỌ 1937

  • ONYE Ọ BỤ Ọ bụ okenye ji obi ya niile fee Jehova. O diri ike e mesiri ya n’ihi agbụrụ o si.—Ọ bụ nwa ya nwaanyị aha ya bụ Thio Sioe Nio kọrọ akụkọ a.

N’ỌNWA Mee afọ 1963, ndị na-achọghị iji anya ahụ ndị Chaịna kpatara ọgba aghara n’Ebe Ọdịda Anyanwụ Java. Ebe ọgba aghara a kacha kpụrụ ọkụ n’ọnụ bụ n’obodo Sukabumi, bụ́ ebe ezinụlọ anyị nwere gwongworo ndị na-agbara anyị n’ụzọ. Ọtụtụ narị mmadụ, bụ́ ndị na-eme ara ara nakwa ụfọdụ ndị agbata obi anyị kụkara ụlọ anyị bata, mebisie ihe anyị, ma zuru ngwongwo anyị. Ezigbo ụjọ ji anyị, anyị niile agbakọta otu ebe na-ele ihe na-emenụ.

Mgbe ndị ahụ lara, ụfọdụ ndị agbata obi anyị bịara ka ha kasie anyị obi. Ha na papa m nọ n’ala na palọ kparịta ụka. Papa m hụrụ Baịbụl ya e dere n’asụsụ Sudaniiz ná ngwongwo anyị ndị a tụsasịrị n’ụlọ anyị. O mepere ya gwa ndị agbata obi anyị na Baịbụl kwuru na ụdị ihe a merenụ ga-eme. Ọ kọwaara ha banyere Alaeze Chineke anyị na-atụ anya ya, bụ́ nke na-eme anyị obi ụtọ.

Mkpa papa m abụghị ịkpakọbara onwe ya akụ̀ n’ụwa ebe a. Ọ na-agwakarị anyị, sị: “Ihe gbasara ofufe Chineke kwesịrị ịbụ ihe mbụ ná ndụ anyị.” Ofufe Chineke o ji kpọrọ ihe mere ka ụmụ ya isii, papa ya dị́ afọ iri itoolu, mama anyị, ọtụtụ ndị ikwu anyị, nakwa ọtụtụ ndị agbata obi anyị bata n’ọgbakọ.

GỤKWUO GBASARA YA

Gịnị Ka Baịbụl Kwuru Ịkpa Ókè Agbụrụ?

È nwere agbụrụ ka ibe ya? È nwere mgbe a ga-akwụsị ịkpa ókè agbụrụ?