Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Akwụkwọ Mgbaafọ Ndịàmà Jehova nke 2015

 DỌMINIKAN RIPỌBLIK

M Bụbu Onye Agha Nnupụisi Na-ekweghị na Chineke, Mechaa Fewe Chineke

Juan Crispín

M Bụbu Onye Agha Nnupụisi Na-ekweghị na Chineke, Mechaa Fewe Chineke
  • A MỤRỤ YA N’AFỌ 1944

  • E MERE YA BAPTIZIM N’AFỌ 1964

  • ONYE Ọ BỤ O kwebughị na Chineke, ugbu a, o jeerela ya ozi afọ iri ise.

MGBE m bụ okorobịa, otú ndị okpukpe si akpọ ibe ha asị mere ka obi na-ajọ m njọ. Amaghị m ihe mere Chineke emebeghị ka ịda ogbenye na mmegbu kwụsị nakwa ihe mere ọtụtụ ndị sịrị na ha na-efe Chineke anaghị eme ihe Baịbụl kwuru. Ihe a niile mere ka m ghara ikwere na Chineke dị, meekwa ka m chee na ọ bụ naanị ịgbanwe ọchịchị n’ike ga-eme ka ụwa dị mma.

Amalitere m ịgụ Teta! n’afọ 1962, mụ na Ndịàmà Jehova amụwa Baịbụl n’afọ 1963. Ihe ndị m mụtara baara m uru. O mere ka m mara na e kwesịghị ịta Chineke ụta n’ihi ihe ọjọọ okpukpe dị iche iche na-eme, nakwa na Chineke nwere ezigbo ihe ọ ga-emere ndị mmadụ. Ọnwa abụọ m bidoro ịmụ Baịbụl, m malitere ịkọrọ ndị ọzọ na Alaeze Chineke ga-ewepụ ọchịchị  ọjọọ ndị mmadụ na-achị ma chịwa ụwa. E mere m baptizim n’afọ 1964. Aghọkwara m onye ọsụ ụzọ pụrụ iche n’afọ 1966. O doro m anya na ọgbakọ Chineke m batara mere ka m dịrị ndụ ruo ugbu a n’ihi na ọtụtụ ndị mụ na ha nọrọ n’òtù nnupụisi anwụọla ọnwụ ike. A tụkwara ụfọdụ mkpọrọ, ebe ndị ọzọ gbalara obodo ọzọ. M na-ekele Jehova maka na o mere ka m na-efe ya, ọ bụ eziokwu na ekwebughị m na ya. O kwekwara anyị nkwa na ya ga-eweta ụwa ọhụrụ nke ezi omume ga-ebi na ya.

Mgbe Nwanna Crispín na-eduzi nnọkọ ụtụtụ ezinụlọ Betel na-enwe maka ịtụle Okwu Chineke