Ohi ku Ubáyíbu

 Ajɔɔcɛ ku Ɔwɔico géē kwɛyi ɛjɛɛji igɔmɛnti ku alɛɛcɛ. Ó klla géē lé ɔcɛ́ ikpɛyi oduudu ɛcɛ nyā. (Udánīyɛ̄lu 2:44; Ɔdā Nēé Mafú Lɛ Ujɔ́ni 16:14) Eko nɛ ɔɔma le ya, Ajɔɔcɛ ku Ɔwɔico géē . . .

•   Fu ācɛ obɔbiipu a ŋma ipu ɛcɛ nyā. “Ɔwɔicō géē je ācobɔ̄bíipú ā kpó hɛ́ ŋmá ipú ajɛ ā.”—Aíita 2:22.

•   Ya ku ɛfu ō kpo kóō mɛ. “[Ɔwɔico géē] le ɛfú nɛ̄ ācɛ gē kpó tá aɔ́mpa uwā ā ci ipú odúúdú ɛcɛ ā.”—Aíjē Kú Ɛ̄gbā 46:9.

•   Ya ku alɔ lɛ aɔdā nɛ alɔ cɛgbá nu a, klla bi ogbotu wa ipu ɛcɛ nyā. “Ɔnyɔɔnyɛ géē cīce ɔkwu ɔcí kú ufáyin mla ufíg kú nū ɛbɔ́, ɔ̄cɛ dúú í kē gáā tū uwā ufi gɛ ŋ́.”—Umáyíka 4:4.

•   Ya ku ɛcɛ nyā kóō piya uparadais. “Ígbíli mɛ́mla ajɛ íkpākplā ā géē bū éŋkpɔ̄, í bū ɔcí mɛ́mla ácí ɛ̄mɛ̄mɛ̄.”—Ayisáya 35:1.

•   Ya ku ɛjɛɛji ācɛ kéē lɛ uklɔ olɔhi néē klla géē jɔɔnyɛ nu. “Ācɛ nɛ̄ [Ɔwɔico] fu ā, ī jɔ́ɔnyɛ aɔ́dā nēé yúklɔ́ kú uwā ā. É gáā yúklɔ́ áncā ŋ́.”—Ayisáya 65:21-23.

•   Ya ku oce kóō mɛ. “Ɔ̄cɛ dúúmā nōo lā ipú ajɛ kú alɔ ā í gáā ka ka anúɔ ī dōōcē ɛ́ gɛ ŋ́.”—Ayisáya 33:24.

•   Ya ku alɔ hilokplicii gɛ ŋ. “Eko ɔ́ɔmā ɔkpíyē kú nū klla géē je pīya ɛ̄yīpɛ̄ bɛ̄ɛka ákú ɔyípɛ̄nɛ̄ncɛ́ ā. Ó klla géē je lɔfú iyē bɛ̄ɛka eko kú ɔyípōklóbīya kú nū ā.”—Ujóbu 33:25.

•   Je ācɛ nōo kwū a heyi ŋma ɔlekwu. “Ācɛ dóódu nēe bá únóji ā géē pó ɔkɔ kú [Ujisɔsi]. É kē géē pɛ́ wɛ̄ɛcɛ ŋmá únóji kú uwā.”—Ujɔ́ni 5:28, 29.