Skip to content

Skip to table of contents

Ācԑ Ocijali Ku Jehofa

Je uce Idoma

 AGBENU NŌO YƆ IPU ƐLĀ ƆWƆICO | ULÚKU 8-9

O Ya Ɛɛ Ku Alɔ Yɛce Ujisɔsi, Ɔdi Nɛ Alɔ Cika Ō Ya A?

O Ya Ɛɛ Ku Alɔ Yɛce Ujisɔsi, Ɔdi Nɛ Alɔ Cika Ō Ya A?

9:62

Ɔdaŋ ku ɔcɛ ō ta ɔgba ɛhɔ, dɔka ku ɔgba ɛhɔ nɛ ó yɔ i ta a kóō le kpaakpa, ó cika ō piyeyi má aɔdā nōo ba igbihi nu a ŋ. Ɔwɛ ekponu ɔɔma, ɔcɛ duuma nɛ ō gē yɛce Ukraist i cika o piyeyi má aɔdā ku ɛcɛ nyā nōó habɔ uwa ta a gɛ ŋ.​—Ufíl 3:13.

Eko duuma nɛ alɔ yɔ i má unwalu, ó gē tɔɔtɛ ku alɔ gbɔɔ ō gbɛlá ka oyeeyi nɛ alɔ tɛtɛ lā a, a jé ŋ, gbɔbu ɛɛ ku alɔ gáā jé Ujehofa a, lɔhi fiyɛ ɛ̄nɛ̄ alɔ yɔ i lā babanya. Eko duuma nɛ alɔ gbɔɔ ō gbɛlá lɛ a, alɔ i je eeye nɛ alɔ má eko ɔɔma a kóō fiyɛ unwalu nɛ alɔ má a. Eko nɛ ācɛ Isrɛlu nyɛ ŋma Ijipiti a, ɔdā ekponu nyā néē ya a. (Álu 11:​5, 6) Ɔdaŋ ku alɔ gē gbɛla lɛ a eko doodu, ó lɔfu gbɔɔ ō ya alɔ ku alɔ kwu cigbihi gā oyeeyi nɛ alɔ tɛtɛ lā a. Ó géē lɔhi fiyɛ, ɔdaŋ ku alɔ yɔ i gbɛla kwu ɔhā nɛ alɔ i lɛ babanya a, mla ō lɛ eyī ku alɔ kwu eeye nɛ alɔ géē lɛ ɛcɔbu ipu Ajɔɔcɛ ku Ɔwɔico a!​—2Ukɔ́ 4:​16-18.