Skip to content

Skip to table of contents

Ācԑ Ocijali Ku Jehofa

Je uce Idoma

 ƐGƐ NƐ ĀCƐ O YƐCE UKRAIST GĒ LĀ OYEEYI

Ō Ya Lɔhi Fiyɛ ipu Uklɔ ku Ɔna O Ta ku Alɔ​—Ō Gbɔɔ Ɔka O ka Ɔwɛ Nōo Géē Cɛ Lɛ Alɔ Tɔɔna

Ō Ya Lɔhi Fiyɛ ipu Uklɔ ku Ɔna O Ta ku Alɔ​—Ō Gbɔɔ Ɔka O ka Ɔwɛ Nōo Géē Cɛ Lɛ Alɔ Tɔɔna

Ɔka nɛ Ujisɔsi gbɔɔ o ka mla ɔnyā ku Usameriya a ta ɔ abɔ ka o kɛla Ɔwɔico mɛmla ɔ eko nɛ o yɔ i tɔɔna ŋ ma. Ɛgɛnyá nɛ alɔ géē ya lɔhi fiyɛ ipu o gbɔɔ ɔka o ka mla ācɛ nɛ alɔ i jé ŋ ma?

  • Kɛla ɔwɛ o gbonɛnɛ mla ācɛ nɛ a má a. Naana nɛ ɛ̄jɛ̄ le jɛ Ujisɔsi a, o gbɔɔ ɛlā o ka mɛmla ɔnyā ku Usameriya a ŋma lɛ o da ɔ kóō je eŋkpɔ lɛ anuɔ ku anuɔ gwa. Alɔ lɔfu gbɔɔ ɛlā o ka ŋma okonu o hɛ, ō kɛla lɛyikwu ɔwɔ nōo ya amāŋ ɛgɛ nɛ ɛnɔ yɔ i cɛ, amāŋ ō kɛla lɛyikwu ɔdā duuma nōo ya nōó gboji ɛɛ ŋ ma. Bla, ɔdā nɛ a bi ɔtu a wɛ o gbɔɔ ɔka o ka, ohigbu ɛnyā kɛla lɛyikwu ɔdā duuma nōo lɔfu hɛ ɔcɛ ɔɔma ɔtu o kɛla lɛyikwu ɔ. Ɔdaŋ ka o ta ohi ŋ, ɔdā duuma i biya ŋ. Dɔka ɔcɛ ɔhá ku a kɛla mla ɔ. Ba Ujehofa kóō je ɔtu o lɛ gā uwɔ.​—Un 2:4; Ācot  4:29.

  • Leyi kwɛɛcɛ ohigbu ɛga nɛ a géē lɛ o kɛla Ɔwɔico, amáŋ a hii nwuleyikwu ŋ. Ya ku ɔka kóō yɔ i gɔbu mɛɛlɛ. A hii nwuleyikwu bi ɛlā ku Ubáyíbu wa ipu nu ŋ, amāŋ ɛ̄jɛ̄ géē jɛ ɔcɛ a o klla gáā kɛla gɔbu mla ɔ gɛ ŋ. Ɔdaŋ ka ɔka nɛ aa yɔ i ka a mɛ gbɔbu ɛɛ ku a kɛla Ɔwɔico, a hii cɛ lɛ ɔtu biya gā uwɔ ŋ. Ɔdaŋ ka ɛlā Ɔwɔico o ka gē tu uwɔ ufi eko nɛ yɔ i tɔɔna ŋ, nwu ɛgɛ nɛ a géē gbɔɔ ɛlā o ka mla ɔcɛ, amáŋ a hii bi ɔtu ku anuɔ géē kɛla Ɔwɔico mla ɔ ŋ. [Lɛ uvidio (1) aflɛyi a mafu ku aa kɔka lɛyikwu ɔ]

  • Ipu ɔka o ka ku aa, a lɔfu lɛ ɛga o kɛla Ɔwɔico taajɛ ŋma lɛ o ka ɔdā nōo lɛ abɔ kwu uwɔ ɔtu lɛyikwu ɔtu o kpoce ku uwɔ, ɛnyā lɔfu ya ku ɔcɛ nōo yɔ jahɔ tu uwɔ a kōo da uwɔ ɔka. Ujisɔsi kɛla nōo lɛ abɔ kwu ɔnyā a ɔtu nōo cɛ lɛ ɔ da Ujisɔsi ɔka. Eko nɛ o gbɔɔ o kɛla Ɔwɔico lɛ ɔnyā a, aɔka ku ɔnyā a nɛ o yɔ i cila mɛɛ a. [Lɛ uvidio (2) ɔmpa a mafu ku aa kɔka lɛyikwu ɔ, klla lɛ uvidio (3) ɔmɛ ɛta a mafu ku aa kɔka lɛyikwu ɔ duu.]