Skip to content

Skip to table of contents

Ācԑ Ocijali Ku Jehofa

Je uce Idoma

 ƐGƐ NƐ ĀCƐ O YƐCE UKRAIST GĒ LĀ OYEEYI

“Upɔlu Ta Ɔwɔico Ahínyá klla Lɛ Ɔtu O Tu Kwu Ɔtu”

“Upɔlu Ta Ɔwɔico Ahínyá klla Lɛ Ɔtu O Tu Kwu Ɔtu”

Eko nɛ Ujɔ nōo yɔ Urom a le po ka Upɔlu ɔ yɔ i wa a, é lɛ ayinɛ ōhī fu kéē nyɔ i jila anu ɔwɛ. Iyawu a lɛbɛɛka umayilu 40 (ukilomita 64) a. Ɛgɛnyá nɛ ihɔtu néē mafu nyā lɛ abɔ kwu Upɔlu ɔtu a? “Eko nɛ̄ Upɔ́lu lɛ uwá má ā, ó tá Ɔwɔicō ahínyá, ɛ̄nyā kē lɛ ɔ́ ɔtū tū kwu ɔtū.” (Ācot 28:15) Naana néē jé ku Upɔlu ɔ gē ta ujɔ nōó gē nyɔ i má a ɔtu kwu ɔtu a, igbo ɛnyā, abɔɔ Upɔlu wɛ alagba a, anu wɛ ɔcɛ néē ta ɔ ɔtu kwu ɔtu mɛɛ a.—2Ukɔ́ 13:10.

Icɛ, Usɛkut overseer gē yɛ ŋma ujɔ éyi gā ujɔ ɔhá kóō ta ayinɛ nɔnyilɔ mla ayinɛ nɔnya abɔ kéē jɛ gico. Bɛɛka oduudu alɔ, ācɛ ɔlɛ Ɔwɔico icɛ, e gē má unwalu ku ɛ̄jɛ̄, ɔtu o plico mla ɔtu o gbenyi duu. Igbɔha nɛ Usɛkut overseer gáā wa i má ujɔ ku uwɔ a, ɔdi nɛ a lɔfu ya nōo géē ta uwa ɔtu kwu ɔtu, o ya ɛɛ kéē ‘lɔfu tu alɔ iyē cɛɛ alɔ kē lɔfu tu uwa iyē’ duu a?—Uró 1:11, 12.

  • Bēē nyɔ gā ōjila ku uklɔ ku ɔna ō ta ku aa yuklɔ tɔha. Ó gē ta Usɛkut overseer ɔtu kwu ɔtu kóō má aupɔblisha yɔ i leyi gwo aɔdā alɛwa bonu, o ya ɛɛ kéē lɛ itene lɔɔlɔhi ipu alaadi nɛ ó gā má uwa a. (1Ute 1:2, 3; 2:20) Eko nɛ Usɛkut overseer wa i má ujɔ ku uwɔ igbɔha, a lɔfu gā wɛ ipu ācɛ o gbɔbu ku ɔna ō ta ŋma eko ta eko. A géē dɔka ō yuklɔ mla Usɛkut overseer mla ɔnyā nu? Amāŋ ō bi uwa gā yoklɔcɛ ku Ubáyíbu mla ɔcɛ nɛ a gē yoklɔcɛ mla anu a?É gē jɔɔnyɛ o yuklɔ mla aupɔblisha ɛyɛɛyɛyi lɛbɛɛka ācɛ ɛyipɛ ipu ujɔ amāŋ ācɛ nōó jé ō kɛla Ɔwɔico lɔɔlɔhi ɛɛ ŋ ma.

  • Gbonɛnɛ lɛ uwa. A je ɛga o gbiyɔla amāŋ ɔdole lɛ uwa gla a? Ɛnyā gē mafu lɛ Usɛkut overseer a mla ɔnyā nu ku a yihɔtu uwa. É leyice ɔdā nɛhi duuma ŋ.—Ulú 10:38-42.

  • Jahɔ ku a klla bi ukɔ nɛ ó tu uwɔ a le yuklɔ. Ipu ihɔtu, Usɛkut overseer gē ta alɔ abɔ ya lɔhi fiyɛ ipu ɛ̄gbā o gba Ujehofa. Ekoohi, ó gē ta alɔ ukɔ́ lɔfu lɔfu. (1Ukɔ́ 5:1-5) Ó géē gweeye ɔdaŋ ku alɔ gē lɛyitaajɛ.—Uhí 13:17.

  • Ta uwa ahinya. Da Usɛkut overseer a mla ɔnyā nu ɛgɛ nɛ a lɛ itene ŋma uklɔ néē yɔ i ceyitikwu ya a. A lɔfu da uwa bu ipu ɔkpá o ta fu uwa, ukadi amāŋ eko nɛ a yɔ i kɛla mla uwa.—Ukó 3:15.