Skip to content

Skip to table of contents

Ācԑ Ocijali Ku Jehofa

Je uce Idoma

 ƐGƐ NƐ ĀCƐ O YƐCE UKRAIST GĒ LĀ OYEEYI

A Gē Má Uce Ō Ya Ku Ɔwɔico Nɛ Ɔcɛ I Má Mla Eyī Gla Ŋ Ma A?

A Gē Má Uce Ō Ya Ku Ɔwɔico Nɛ Ɔcɛ I Má Mla Eyī Gla Ŋ Ma A?

Eko duuma nɛ a gē má ukɔlɔ ɛyɛɛyɛyi ku ododo, inyilɔwɔ eko néē ba ɔkpanco layii, mɛmla ɛgɛ nɛ eŋkpɔ nɛhi gē pɛ ŋma ico waajɛ a, a gē má uklɔ abɔ ku Ɔwɔico? Aɔdā nɛ alɔ gē má nɛ Ujehofa ya a mafu peee ɛdɔ ɔcɛ nɛ Ujehofa wɛ a. (Uró 1:20) Ō mahayi cii ku alɔ gbɛla lɛyikwu aɔdā nɛ alɔ gē má a, géē ta alɔ abɔ ku alɔ má ɛdɔ ɔfu, ihɔtu, mla ijeeyi nɛ Ɔwɔico lɛ a, mɛmla ɛgɛ nɛ ó kpaakpa lɛ a. Alɔ klla géē má ka ó wɛ Ɔwɔico nōo gē je ɔdā olɔhi lɛ ɔcɛ duu.—Aíjē 104:24.

Ɔdi wɛ aɔdā ōhī nɛ Ujehofa ya nɛ a gē má ɛ̄cī doodu a? Ɔdaŋ nɛ a kóō lā ipu igeli nɛhi, a géē lɔfu yɔ i má aigbaanɔ amāŋ aɔcí. Ō leyi taajɛ ku alɔ má aɔdā nɛ Ujehofa ya a géē ta alɔ abɔ ku alɔ lɛ ɔtu ku alɔ kwu aɔdā nōo cɛgbá fiyɛ duu a, ikɔkɔ nɛ alɔ géē yɔ i gbɛla lɛyikwu unwalu ku alɔ fiyɛ ɔfu. Ó klla géē ya ku alɔ lɛ ɔtuce lɔfu lɔfu ku Ujehofa géē yɔ i leyi kwu alɔ piyoo. (Umt 6:25-32) Ɔdaŋ ku a lɛ ayipɛ, ta uwa abɔ kéē má uce ō ya ku Ɔwɔico nōó lɛ ɛdɔ ŋ, nɛ ɔcɛ i kē má mla eyī gla ŋ ma. Alɔ géē yɔ i pi bla Ujehofa, ɔdaŋ ku alɔ gē mafu ɛ̄cī doodu ku aɔdā nɛ ó ya a jɛ alɔ eyī nɛhi.—Aíjē 8:3, 4.

AA MÁ UVIDIO NYĀ NŌO KAHINII: UKLƆ IDAAGO KU ƆDĀ NƐ ƆWƆICO YA A GĒ MAFU ƐGAHI KU NU—ƆLA MLA UKƆLƆ, ƆDAŊ KU AA LƐ Ɔ MÁ MƐ, AA CILA AƆKA NŌO BANYA:

  • Ɔdi gē ya nɛ alɔ gē má ukɔlɔ ɛyɛɛyɛyi a?

  • Ɔdiya nɛ ukɔlɔ ku ɔdā ōhī gē piyabɔ ɔdaŋ ku a gē má ɔdā ɔɔma ŋma ɛga ɛyɛɛyɛyi a?

  • Ɔdiya nɛ ɔkpanco gē lɛ ukɔlɔ ɛyɛɛyɛyi ekoohi a?

  • Ipu ɛjɛɛji ukɔlɔ ku ɔdā nɛ Ɔwɔico ya a, ɛnyā nɛ a gē má ɛga nɛ a lā nōo gē hɛ uwɔ idaago fiyɛ duu a?

  • Ɔdiya nɛ alɔ cika ō bēē lɛ eko taajɛ ō leyi yɛ aɔdā nɛ Ɔwɔico ya a?

Ɔdi nɛ ɔla mla ukɔlɔ gē mafu lɛyikwu ɛdɔ ɔcɛ nɛ Ujehofa wɛ a?