Skip to content

Skip to table of contents

Ācԑ Ocijali Ku Jehofa

Je uce Idoma

 ƐGƐ NƐ ĀCƐ O YƐCE UKRAIST GĒ LĀ OYEEYI

Ō Ya Lɔhi Fiyɛ Ipu Uklɔ ku Ɔna o Ta Ku alɔ​—Bi Ɔka O Da Le Yuklɔ Lɔɔlɔhi

Ō Ya Lɔhi Fiyɛ Ipu Uklɔ ku Ɔna o Ta Ku alɔ​—Bi Ɔka O Da Le Yuklɔ Lɔɔlɔhi

ƆDIYA NŌÓ CƐGBÁ A: Ɔdaŋ ku “ɛlá nɛ̄ ɔ̄cɛ ī gbo ā lɛbɛ́ɛka ɔdā nɛ̄ ɔ̄cɛ ī tá ɛga o lipú nɛ̄hi kú ipú itekwú a,” o lɛ a, ɔka o da lɛbɛɛka ɔdā o le pi ɔ wɛɛcɛ ɛgɛ nɛ ɔcɛ gē pi eŋkpɔ wɛɛcɛ a (Aíi 20:5) Ɔka nɛ alɔ gē da ācɛ a gē ya ku uwa kóō ta ohi ta ɛlā nɛ alɔ yɔ i nwu uwa a. Ohi nɛ ɔcɛ ta lɛyikwu ɔka néē bi ijeeyi lɛ da gē ya ku ɔcɛ nōo da ɔka a kóō jé ɔdā nōo cɛgbá nɛhi. Ujisɔsi bi ɔka o da le yuklɔ lɔɔlɔhi. Ɛgɛnyá nɛ alɔ lɔfu gbla Ujisɔsi ya a?

ƐGƐ NƐ A GÉĒ YA Ɔ A:

  • Da ācɛ ɔka nōo géē cɛ gā uwɔ jé ɔdā nōo yɔ ipu ɔtu ku uwa. Ujisɔsi da ayikpo ku nu ɔka alɛwa o ya ɛɛ kóō jé ɔdā nōo yɔ ipu ɔtu ku uwa a. (Umt 16:13-16; be-E 238 ¶3-5) Ɛdɔ ɔka nyá nɛ a lɔfu da ɔcɛ o ya ɛɛ ku a jé ɔdā nōo yɔ ipu ɔtu ku nu a?

  • Da ɔcɛ ɔka nōo géē cɛ lɛ ɔ gbɛla ɔwɛ okpaakpa. Ujisɔsi lɛ ɔka ōhī da Upita klla da ɔ ɔdā nōo lɔfu wɛ ohi ku aɔka a o ya ɛɛ kóō lɛ ɛlá o gbo ku Upita piyabɔ mla o ya kóō jé ɔdā nōo kpaakpa a. (Umt 17:24-26) Ɛdɔ ɔka nyá nɛ a lɔfu da ɔcɛ o ya ɛɛ ku a ta ɔ abɔ jé ɔdā nōo kpaakpa a?

  • Cɛtra ācɛ nɛ a yɔ i kɛla lɛ uwa a. Ujisɔsi cɛtra ɔcɛ éyi nōo gē nwu ine eko nōó má ku ohi nōó “tá ā le kpaakpa” a. (Uma 12:34) Ɛgɛnyá nɛ a lɔfu cɛtra ɔcɛ nōo cila ɔka nɛ a da ɔ a?

MÁ AYA AFLƐYI KU UVIDIO NŌO KA KAHINII YUKLƆ NƐ UJISƆSI YA A​—NWU ĀCƐ ƐLĀ ƆWƆICO, CƐƐ KU AA LƐ AƆKA NŌO BANYĀ CILA:

  • Naana nɛ ɛlā ō nwu ipu uvidio a wɛ ɔkwɛyi, ɔdiya nɛ ɔwɛ nōó bi le nwu ɛlā i kpaakpa ŋ ma?

  • Ɔdiya nɛ alɔ cika o lɛ ɛlā nɛ alɔ yɔ i nwu a teyi peee tōōtɔ̄ɔ̄ a?

MÁ AYA ƆMPA KU UVIDIO A, CƐƐ KU AA CILA AƆKA NŌO BANYA:

  • Ɛgɛnyá nɛ ɔyinɛ alɔ nɔnyilɔ bi ɔka o da le yuklɔ lɔɔlɔhi a?

  • Ɔwɛ o nwu ɔcɛ ɛlā ku nu nyá nɛ alɔ lɔfu gbla ya a?

Ɔwɛ nyá nɛ ɛlā o nwu ku alɔ gē lɛ abɔ kwu ācɛ ɔtu a? (Ulú 24:32)