Skip to content

Skip to table of contents

Ācԑ Ocijali Ku Jehofa

Je uce Idoma

 ƐGƐ NƐ ĀCƐ O YƐCE UKRAIST GĒ LĀ OYEEYI

Aɛdrɔ—Aa Lɛ Ɔtu Caca “O Yá Ɔdā Olɔhi”

Aɛdrɔ—Aa Lɛ Ɔtu Caca “O Yá Ɔdā Olɔhi”

Ipu ɔkpá nɛ Ɔwɔico bi alelekwu ihɔ ku nu le ya ku Upɔlu kóō ta fu Utayitɔsi a, ó ka ayipoklobiya nɛ Utayitɔsi kē wɛ éyi ku uwa a kéē ceyitikwu kéē “le piya ocabɔ ku uce olɔhi o ya.” (Utáy. 2:6, 7) Ō yɛ gā ɛhaajɛ ku ɛyi ɛpa ɔɔma, ó mafu ka Ujisɔsi géē lɛ ācɛ o gba Ujehofa ɛ̄gbā tu yeŋee o ya ɛɛ kéē lɛ ɔtu caca “o yá ɔdā olɔhi.” (Utáy. 2:14) Éyi ku ɔdoolɔhi ɔɔma wɛ ō tɔɔna mla ō nwu ācɛ lɛyikwu Ajɔɔcɛ ku Ɔwɔico. Ɔdaŋ ku a wɛ ɛdrɔ, a bi ɔfu ku uwɔ le yuklɔ ku ɔcɛ ō gbɔbu ɔna ō ta ŋma eko ta eko (auxiliary pioneer) amāŋ ɔcɛ ō gbɔbu ɔna ō ta eko doodu (regular pioneer) gla a?—Aíit. 20:29.

Ɔdaŋ ku a dɔka ō je piya ɔcɛ ō gbɔbu ɔna ō ta (pioneer), lɛ aɔdā nɛ a gē ya a tuya ɔwɛ nōo géē ta uwɔ abɔ ku a je piya ɔcɛ éyi. (Ulúk. 14:28-30) Ocabɔ mafu, ɔdaŋ ka kwu iyi uwɔ i taajɛ o yuklɔ lɛ Ujehofa eko doodu, ɛgɛnyá nɛ a gáā lɛ ije nɛ a géē le ya ɛgba ku uwɔ a? Ɛgɛnyá nɛ a géē ya ku eko nɛ a gē le tɔɔna a kóō faajɛ eko néē cɛgbá ŋma ɛgiyi ɔcɛ ō gbɔbu ɔna ō ta a? Da Ujehofa ipu ɔkɔ o gba kóō ta uwɔ abɔ. (Aíjē 37:5) Ka ɔka lɛyikwu ɔdā nɛ a miya o ya a mla ɛnɛ uwɔ mla ada uwɔ mla ācɛ nōo yɔ i ya lɔhi ipu ō gbɔbu ɔna ō ta a. Cɛɛ, ku a yuklɔ lɛyikwu ɔdā nɛ a miya o ya a. Ó lɛ aafu ŋ, Ujehofa géē hɔha ce uwɔ abɔ a yɔ i ceyitikwu gba ɔ ɛ̄gbā mla ɔtu caca a!

AA MÁ UVIDIO NYĀ NŌO KAHINII: AƐDRƆ NŌO YƆ I LƐ OJILIMA CE UJEHOFA, CƐƐ, AA LƐ AƆKA NŌO YƆ ƐHAAJƐ A CILA:

  • Unwalu ɛyɛɛyɛyi nyá nɛ ācɛ o gbɔbu ɔna o ta ōhī yale a, ɛgɛnyá néē kē bi le ya aunwalu a le a?

  • Ɛgɛnyá nɛ aɛnɛ mla ada lɔfu ta ayipɛ ɔlɛ uwa abɔ kéē je piya ɔcɛ ō gbɔbu ɔna ō ta eko doodu a?

  • Ɔdiya nɛ ó cɛgbá o lɛ ōmiya ku ɛgɛ nɛ ɔcɛ géē tɔɔna a?

  • Ɛgɛnyá nɛ ācɛ ku ujɔ a lɔfu ta ācɛ ō gbɔbu ɔna ō ta eko doodu ɔtu kwu ɔtu klla ta uwa abɔ a?

  • Ɔhā ɛyɛɛyɛyi nyá nɛ ācɛ ō gbɔbu ɔna ō ta gē lɛ a?

Ɛgɛnyá nɛ um géē ya ku um je piya ɔcɛ ō gbɔbu ɔna ō ta a?