Skip to content

Skip to table of contents

Ācԑ Ocijali Ku Jehofa

Je uce Idoma

 AYA 12

Ɔdi Nɛ A Géē Ya ku Apɔlɛ ku Uwɔ Kóō Lɛ Eeye A?

Ɔdi Nɛ A Géē Ya ku Apɔlɛ ku Uwɔ Kóō Lɛ Eeye A?

Ihɔtu cɛgbá o ya ɛɛ ku apɔlɛ kóō lɛ eeye. Ācɛ Ɛ́fēsɔsi 5:33

Ōmiya ku Ɔwɔico wɛ ka ɔcɛnyilɔ kóō lɛ ɔnyā ekponu, ɔcɛnya kóō kē lɛ ɔba ekponu duu.

Ɔba nōo yihɔtu ku ɔnyā nu géē ya uce ogbonɛnɛ ta ɔ, ɔwɛ nōo mafu ka ó jé ipeyi ɔnyā nu.

Ɔnyā cika ō ta ɔba nu abɔ.

Ayipɛ cika ō lɛyi taajɛ lɛ adā mla ɛ́nɛ́ uwa.

 Ya uce ogbonɛnɛ, ɔba uwɔ amāŋ ɔnyā uwɔ kóō jɛ uwɔ. Aja o gbo mla ɔbiipu gē je apɔlɛ fiyakata. Ācɛ Ukólōsi 3:5, 8-10

Ɛlā ku Ɔwɔico ka ɔba cika ō yihɔtu ku ɔnyā nu bɛɛka ɔkpiye ku nu a, ó klla ka ɔnyā ɔ cika ō lɛ ojilima ce ɔba nu ŋma ɔtu.

Ō cikpo ɔcɛ nóō wɛ ɔba uwɔ amāŋ ɔnyā uwɔ ŋ wɛ ɔdobɔbi. Ō lɛ ɔnyā fiyɛ éyi wɛ ɔdobɔbi duu.

Ipu Ubáyíbu, Ujehofa gē nwu apɔlɛ ɛgɛ néē géē lɛ eeye lɛ a.