Skip to content

Skip to table of contents

Ācԑ Ocijali Ku Jehofa

Je uce Idoma

 OKLƆCƐ ƆMƐ 8

Aciije Nōo Gē Nwu Ɛlā

Aciije Nōo Gē Nwu Ɛlā

Umátiyu 13:34, 35

ƆDĀ NƐ A CIKA Ō YA: Bi aciije nōo he ācɛ ɔtu amáŋ nōó lɔnɔ ō jɛyi nu ŋ ma, le nwu ācɛ ɛlā nōo cɛgbá.

ƐGƐ NƐ A GÉĒ YA Ɔ A:

  • Ta aciije nōó lɔnɔ ō jɛyi nu ŋ. Bɛɛka Ujisɔsi a, bi aɔdā nɛ ācɛ jé lɔɔlɔhi lɛ ɛlā nōo cɛgbá nɛhi ta ācɛ eyī peee. A hii kɛla nōo géē ya ku aciije ku uwɔ kóō gbaji ta ācɛ ŋ. Aɛlā nōo yɔ ipu aciije ku uwɔ a kóō tɛɛma kwu ɛlā nɛ a yɔ i nwu a, o ya ɛɛ ku ɔtu ku ācɛ nɛ a yɔ i kɛla lɛ uwa a kóō hii gā ɛga ɔhá ŋ.

  • Gbɛla kwu ɔdā nōo géē wɛ itene lɛ ācɛ nɛ a yɔ i kɛla lɛ uwa a. Ta aciije lɛyikwu ɔdā nɛ ācɛ nōo yɔ i jahɔ gā uwɔ a jé nōo klla gē he uwa ɔtu. Lɛ ɛlá kwu ɔ, o ya ɛɛ ku aciije ku uwɔ kóō hii wɛ ɛca amāŋ ɔdā uweyi lɛ ācɛ nɛ a yɔ i kɛla lɛ uwa a ŋ.

  • Ɛlā okpɔcii a nɛ a gáā nwu a. Aciije ku uwɔ kóō lɛ ō ya mla aɔcɛla a, ó wɛ aɛla ɔhá ligii ligii nōo yɔ ipu ɛlā ō ka tɛɛcɛ ku uwɔ ŋ. Ya ku ācɛ nɛ a yɔ i kɛla lɛ uwa kéē hii blakwu aciije ku uwɔ foofunu ŋ, amáŋ kéē blakwu ɛlā néē nwu ŋma anu a.