Skip to content

Skip to table of contents

Ācԑ Ocijali Ku Jehofa

Je uce Idoma

 OKLƆCƐ ƆMƐ 14

Ɛlā Okpɔcii Ku Uwɔ Kóō Teyi Peee

Ɛlā Okpɔcii Ku Uwɔ Kóō Teyi Peee

Ācɛ Uhíbru 8:1

ƆDĀ NƐ A CIKA Ō YA: Abɔ a yɔ i kɛla tɛɛcɛ a, ta ācɛ nɛ a yɔ i kɛla lɛ uwa a abɔ kéē yɛce ɛlā nɛ a yɔ i ka a, cɛɛ ku a lɛ ɛlā ta uwa éyi peee lɛyikwu ɛgɛ nɛ ɛlā okpɔcii duuma tɛɛma kwu ɔdā nɛ a bi ɔtu mla ikpɛyi ɛlā ku uwɔ a.

ƐGƐ NƐ A GÉĒ YA Ɔ A:

  • Bi ɔdā nɛ a dɔka ō ya piii a ipu ɔtu. Gbɛla kwu ɔ ɔdaŋ ku ɛlā ō ka tɛɛcɛ ku uwɔ cika ō nwu ācɛ ɛlā, ya kéē kpɔtuce odee, amāŋ kéē ya odee, cɛɛ ku a ya ɔ ɔwɛ nōó cika ō yɛ a. Ɛjɛɛji aɛlā okpɔcii ku uwɔ kóō ta uwɔ abɔ ya ɔdā nɛ a bi ɔtu ō ya a.

  • Kɛla igbalɛwa lɛyikwu ikpɛyi ɛlā ku ɛlā ō ka tɛɛcɛ ku uwɔ. Bēē hi ikpɛyi ɛlā ku uwɔ tɛɛcɛ jaa gbeeko nɛ a lɛ ɛlā ō ka tɛɛcɛ ku uwɔ ya kwɛyi, ŋma lɛ ō ka ɛlā okpɔcii ku ikpɛyi ɛlā a tɛɛcɛ amāŋ ɛlā ɔhá nōo tɛɛma kwu ɔ a igbalɛwa.

  • Aɛlā okpɔcii ku uwɔ kóō teyi peee klla tɔɔtɛ ō blakwu ɔ. Kɛla foofunu lɛyikwu ɔcɛla nōo tɛɛma kwu ikpɛyi ɛlā ku uwɔ, nɛ a kē jé ku a nwu uwa lɔɔlɔhi ipu eko néē je gā uwɔ a gla. A hii kɛla lɛyikwu aɛlā okpɔcii alɛwa ŋ, ɛlā okpɔcii duuma nɛ a gáā kɛla lɛyikwu ɔ a kóō teyi peee, ɔdaŋ ku a le oduuma ka, gbeyi yɛɛ. Ɛmɛɛma nɛ a gáā bi le kɛla ŋma ɛlā okpɔcii éyi gā ɛlā okpɔcii ɔhá a.