Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  Disember 2015

Saut Tanya Pasal Bup Kudus

Saut Tanya Pasal Bup Kudus

Ulih kitai nemu pemendar pasal Petara?

Nama kebuah Petara dekaka kitai nemu pemendar? Bacha John 17:3

Petara bejaku enggau mensia. Iya ngena roh kudus nepu penemu Iya ngagai runding penulis Bup Kudus. (2 Peter 1:20, 21) Kitai ulih nemu pemendar pasal Petara ari macha Bup Kudus.—Bacha John 17:17; 2 Timoti 3:16.

Dalam Bup Kudus, Petara madahka mayuh utai pasal Iya Empu. Iya madahka kebuah Iya ngaga mensia, utai ti deka digaga Iya ke mensia, sereta chara mensia patut idup. (Kereja Rasul 17:24-27) Petara Jehovah dekaka kitai nemu pemendar pasal Iya.—Bacha 1 Timoti 2:3, 4.

Nama kebuah Petara ngelaluka orang ke rinduka pemendar?

Jehovah nya Petara pemendar, lalu Iya udah ngirumka Anak Iya, Jesus, ngajar mensia pasal pemendar. Nya alai, orang ke rinduka pemendar deka datai semak ngagai Jesus. (John 18:37) Petara deka sida nyadi penyembah Iya.—Bacha John 4:23, 24.

Antu Sitan udah nagang mayuh orang ari ngelala Petara enggau ngerembaika ajar ti bula pasal Petara. (2 Korint 4:3, 4) Orang ke enda rinduka utai ti manah deka ningaka ajar ti bula. (Rome 1:25) Tang, bejuta iku orang ke lurus ati tetemuka pemendar pasal Petara ari belajarka Bup Kudus.—Bacha Kereja Rasul 17:11.

 

Belajar Lebih Agi

Nama Utai ti Bendar Diajar Bup Kudus?

Nama Pemendar Pasal Petara?

Kati nuan ngasaika Petara ibuhka nuan? Belajar pasal pemanah Iya enggau baka ni nuan ulih semak ngagai Iya.

PROGRAM BELAJARKA BUP KUDUS

Nama Kebuah Belajar Bup Kudus?

Bup Kudus nyediaka saut ngagai utai ti ditanya bejuta iku mensia ba serata dunya tu. Kati nuan empu deka nemu saut iya?