Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  Disember 2015

 TOPIK RANDAU | NUAN ULIH MERETIKA BUP KUDUS

Nama Kebuah Patut Meretika Bup Kudus?

Nama Kebuah Patut Meretika Bup Kudus?

“Bup Kudus nya bup pengarap ti tebilang. Tang, iya bup ari menua bukai sereta enda ulih dikena orang bansa Cina.”—LIN, CHINA.

“Indah aku enda meretika bup pengarap ke dikena aku ba pengarap Hindu. Nya alai, baka ni ku aku ulih meretika Bup Kudus?”—AMIT, INDIA.

“Aku bebasaka Bup Kudus laban iya bup lama, lalu aku ninga bup nya bup ti pemadu laku dijual. Tang, aku empu enda kala meda Bup Kudus.”—YUMIKO, JIPUN.

Mayuh orang di serata dunya bebasa bendar ke Bup Kudus. Tang, sida engka nemu mimit aja pasal utai ti dipadah ba Bup Kudus. Tu ulih dipeda kitai ari bejuta iku orang ke diau ba menua Asia, enggau ba mayuh menua bukai ke alai Bup Kudus udah mayuh disadung.

Taja pia, nuan engka nanya, ‘Nama kebuah aku patut nemu utai ti dipadah ba Bup Kudus?’ Nemu reti utai ti dipadah ba Bup Kudus ulih nulung nuan:

  • Tetemuka pengelantang sereta utai ti ngemuaska ati

  • Napi penanggul ba ruang bilik

  • Mutarka pengirau ati

  • Ngemanahka kaul

  • Ngatur belanja enggau manah

Ngambika chunto, Yoshiko, ari menua Jipun. Iya deka nemu nama utai ti dipadah ba Bup Kudus, lalu berunding deka macha bup nya. Nama asil iya? Ku iya madah: “Bup Kudus udah nulung aku tetemuka tuju pengidup sereta peluang ke jemah ila. Diatu aku ngasaika pengidup aku bisi reti.” Amit, ke dipadah ba pun tadi, mega deka meresa Bup Kudus. Ku iya: “Aku alit ati. Bup Kudus ngembuan penerang ke ulih dikena semua orang.”

Bup Kudus udah ngubah pengidup bejuta iku orang. Nama kebuah nuan empu enda meresa Bup Kudus, lalu meda baka ni iya ulih meri penguntung ngagai nuan?