Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  November 2015

Saut Tanya Pasal Bup Kudus

Saut Tanya Pasal Bup Kudus

Kati orang ke udah mati ulih idup baru?

Endang amat Penempa pengidup ulih ngangkatka orang idup baru

Petara Jehovah nya Pun pengidup. (Masmur 36:9) Enda ke tu nunjukka Iya ulih ngidupka baru orang ke udah mati? Bup Kudus madahka, Iya deka ngereja tu jemah ila. (Bacha Kereja Rasul 24:15) Tang, nama kebuah Iya deka ngereja nya?

Penempa kitai deka mensia idup belama iya ba dunya. (Pemungkal 1:31; 2:15-17) Tuju Iya ke mensia agi sama. Iya balat tusah ati meda utai ke nyadi ba kitai kemaya hari tu—pengidup mensia ke balat ditinggang penusah sereta enda panjai umur.—Bacha Jop 14:1, 14, 15.

Dini alai orang ke diidupka baru tu deka diau?

Kati Petara ngaga mensia ngambika diau ba serega? Enda. Petara ngaga melikat ngambika diau ba serega. Iya ngaga mensia ngambika diau ba dunya. (Pemungkal 1:28; Jop 38:4, 7) Nya alai, kingatka pengangkat ari mati ke digaga Jesus. Iya ngangkatka orang idup baru ba dunya tu. Pia mega, mayuh orang ke diidupka baru jemah ila deka diau ba dunya tu.Bacha John 5:28, 29; 11:44.

Taja pia, Petara udah milih sekeda orang ngambika diangkatka idup baru, lalu diau ba serega. Sida deka betubuh roh. (Luke 12:32; 1 Korint 15:49, 50) Sida deka nyadi raja enggau Kristus merintah atas dunya.—Bacha Pemandang 5:9, 10.