Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

Saut Tanya Pasal Bup Kudus

Saut Tanya Pasal Bup Kudus

Dunya ti nadai penyuntuk, kati nya ulih?

BAKA NI PETARA DEKA NGENATAIKA DUNYA KE NADAI PENYUNTUK?—MATTHEW 6:9, 10.

Penyuntuk ke balat nyadi udah munuh bejuta iku orang ninting taun ketegal enda chukup pemakai sereta penyakit. Taja pan sekeda dunya bisi mayuh pemakai, tang mayuh mensia agi idup suntuk. Bup Kudus nunjukka penyuntuk deka majak ninggang mensia.—Bacha John 12:8.

Kitai begunaka siti perintah kena muai penyuntuk. Perintah tu mega patut bisi kuasa kena nyadung semua asil ke bisi ba dunya enggau enda bechiping sereta kuasa kena ngetuka perang, laban perang ngasuh penyuntuk balat nyadi. Petara udah besemaya deka meri perintah ke baka tu.—Bacha Daniel 2:44.

Sapa ulih muai penyuntuk?

Petara udah milih Anak Iya, Jesus, ngambika merintah semua mensia. (Masmur 2:4-8) Jesus deka ngelepaska orang ke seranta, ngelepaska sida ari orang ke nekanka pengidup sida, enggau ari orang ke mangah.—Bacha Masmur 72:8, 12-14.

Jesus, “Raja Pemaik,” deka mai pemaik enggau pengelikun. Udah nya semua orang deka bisi rumah kediri empu, pengawa ke ngemuaska ati, sereta bisi mayuh pemakai.—Bacha Isaiah 9:6, 7; 65:21-23.