Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  September 2015

 TOPIK RANDAU | SAPA SAKSI-SAKSI JEHOVAH?

Nama Utai ti Dipechaya Saksi-Saksi Jehovah?

Nama Utai ti Dipechaya Saksi-Saksi Jehovah?

Saksi-Saksi Jehovah pechaya ‘semua Bup Kudus endang bepun ari Petara magang, lalu beguna.’ (2 Timoti 3:16) Kami ngena Bup Kudus nyadika iring kena belajar pasal Penempa sereta belajarka chara pengidup ti menyana.

Ku Bup Kudus: ‘Awakka sida nemu Nuan siku aja ti Jehovah, Raja ti Pemadu Tinggi ke serata dunya.’ (Masmur 83:18) Nya alai kami semina nyembah Petara Jehovah aja, lalu ketegal kami Saksi Iya, kami enggau naka ulih madahka nama Iya.—Isaiah 43:10-12.

Kami pechaya Jesus nya ‘Anak Petara.’ * Iya datai ke dunya, lalu nyadi Messiah. (John 1:34, 41; 4:25, 26) Pengudah Jesus mati, iya diangkatka niki ke serega. (1 Korint 15:3, 4) Udah nya, iya nyadi Raja ba Perintah Petara. (Pemandang 11:15) Perintah nya siti perintah ti nyata, ke deka mulaika baru Paradais ba dunya tu. (Daniel 2:44) “Orang ke baruh ati deka bempu menua tu lalu diau lantang ngena pengaya sida,” ku Bup Kudus.—Masmur 37:11, 29.

“Lebuh sida macha Bup Kudus, sida pechaya Petara bejaku enggau sida. Lebuh sida napi penusah ba pengidup, sida macha sereta mansik Jaku Petara kena ngiga chara mutarka penusah nya. . . . Sida pechaya Jaku Petara agi ulih dikena.”—Tuai pengarap Katolik ke benama Benjamin Cherayath, surat kabar Münsterländische Volkszeitung, Jerman

Saksi-Saksi Jehovah pechaya prinsip Bup Kudus ulih mai penguntung ngagai orang nyentuk ke diatu. (Isaiah 48:17, 18) Nya alai, kami enggau naka ulih nitihka prinsip nya. Chunto, ketegal Bup Kudus ngelalau kitai nyeliahka ulah ti ngamahka runding enggau tubuh kitai, kami enda nginsap tauka nyalah guna dadah. (2 Korint 7:1) Kami mega nyeliahka ulah ke dikutuk Bup Kudus baka pemabuk, ulah seks ti kamah sereta ngenchuri.—1 Korint 6:9-11.

^ per. 5 Bup Kudus mega ngumbai Jesus ‘Anak Tunggal Petara’ laban iya utai ti keterubah ditempa sereta ditempa Jehovah kediri aja.—John 3:18; Kolosi 1:13-15.

Belajar Lebih Agi

UTAI KE SUAH DITANYA

Kati Saksi-Saksi Jehovah Pechaya Sida Bisi Pengarap ti Bendar?

Kati bisi Jesus madahka mayuh jalai deka nuju ngagai penyelamat?