Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  September 2015

 TOPIK RANDAU | SAPA SAKSI-SAKSI JEHOVAH?

Nama Kebuah Kami Nginjil?

Nama Kebuah Kami Nginjil?

Pengawa nginjil ke dipejalaika kami di serata dunya ngasuh kami enda sama enggau gerempung bukai. Kami nginjil ari rumah ke rumah, ba endur orang mayuh, sereta ba sebarang endur ke bisi orang. Nama kebuah kami ngereja tu?

Saksi-Saksi Jehovah nginjil kena ngemuliaka Petara sereta madahka nama Iya. (Hebrew 13:15) Kami mega deka ngasika Jesus Kristus, ke ngasuh: ‘Nya alai, bejalai kita ngagai semua bansa, . . . ajar sida ngasika semua pesan ti udah diberi aku ngagai kita.’—Matthew 28:19, 20.

Pia mega, kami rinduka orang bukai. (Matthew 22:39) Endang amat, kami nemu mayuh orang bisi pengarap kediri empu, lalu ukai semua orang deka ningaka pesan kami. Tang, kami ngasaika ajar Bup Kudus nya nyelamatka nyawa. Nya kebuah kami “enda ngetu-ngetu ngajar sereta madahka Jesus nya Kristus,” baka ke digaga orang Kristian ba kurun keterubah.—Kereja Rasul 5:41, 42.

Sosiologi Antonio Cova Maduro nulis “pemendar enggau penusah ke diasaika Saksi-Saksi Jehovah nyentukka sida lelak . . . , ngambika berita manah ari Bup Kudus ulih ditusui nyentuk ke sukut dunya.”—Surat kabar El Universal, Venezuela

Mayuh ari pemacha litaricha kami nya ukai Saksi-Saksi Jehovah. Lalu bejuta iku orang ke belajar Bup Kudus enggau kami datai ari pengarap bukai. Tang, sida beterima kasih laban Saksi-Saksi Jehovah belajar enggau sida.

Endang amat, nuan engka bisi tanya ke bukai pasal Saksi-Saksi Jehovah. Nuan ulih nemu saut iya, enti nuan

  • Nanya seiku ari Saksi-Saksi Jehovah.

  • Ngelawa laman web kami, www.jw.org..

  • Datai ngagai gempuru kami, iya ke diatur enggau pechuma sereta dibuka ngagai semua orang.

Belajar Lebih Agi

UTAI KE SUAH DITANYA

Kati Saksi-Saksi Jehovah Berunding Semina Sida Aja Ulih Selamat?

Bup Kudus nerangka sapa ke bisi peluang deka diselamatka.