Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

 TOPIK RANDAU | SAPA SAKSI-SAKSI JEHOVAH?

Baka ni pengawa nginjil kami dipelanja?

Baka ni pengawa nginjil kami dipelanja?

Ninting taun, kami nyelak sereta nyadung beratus juta iti Bup Kudus enggau litaricha Bup Kudus. Kami nirika sereta bejalaika pengawa ba pampang opis enggau opis penyelak di serata dunya. Lebih ari seratus ribu iti gempuru begempuru ba endur nyembah Petara ti pengumbas iya sereta ngerinduka ati. Endur tu dikumbai Palan Gempuru. Sapa melanja semua tu?

Semua pengawa kami disukung enggau pemeri sukarela. (2 Korint 9:7) Kena taun 1879, edisi kedua majalah tu madahka: “‘Zion’s Watch Tower’ [nama lama majalah tu], kami pechayaka sukung ari JEHOVAH, lalu ba pekara tu kami sigi enda nyanda tauka minta sukung ari mensia.” Kami tetap ba pekara tu.

Pemeri dianjung terus ngagai siti ari pampang opis kami tauka ditepu ke dalam kutak pemeri ke bisi disediaka ba tiap iti Palan Gempuru. Tang kami enda kala netapka pemeri sepuluh peratus, enda minta duit pupu, tauka minta bayar ke pengawa tauka litaricha ke diberi. Kami enda dibayar ngereja pengawa nginjil, ngajar ba gempuru tauka maya nulung nirika endur nyembah Petara. Agi mega, Jesus madahka: “Kita udah nerima ngena chara pechuma, nya alai beri ngena chara pechuma.” (Matthew 10:8) Semua pengereja pengawa ba pampang opis kami enggau ba indu opis kami, nyengkaum sida ke nyadi Raban ti Megai Saksi-Saksi Jehovah, bejalaika pengawa Kristian enggau enda begaji.

“Semua pengawa ke bekaul enggau Saksi-Saksi Jehovah disukung ari pemeri sukarela, genap iku ulih nentuka diri empu penyampau enggau penyuah iya ‘meri pemeri.’”—European Court of Human Rights, 2011

Pemeri tu mega dikena mantu orang ke kena penusah ngenyit. Orang Kristian keterubah gaga ati mantu orang ke balat tusah. (Rome 15:26) Pia mega kami mantu orang ke kena penusah nirika rumah enggau endur sida nyembah Petara. Kami mega nyediaka pemakai, gari enggau ubat ke sida.