Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  Ogos 2015

Saut Tanya Pasal Bup Kudus

Saut Tanya Pasal Bup Kudus

Kati pengidup kitai semina baka tu aja?

Kati nuan kekakang bisi berunding nama kebuah pengidup enda panjai?

Kala nuan berunding, kati kitai idup semina bemain, bekereja, jadi melaki-bini, ngintu diri sebilik, lalu nyadi tuai? (Jop 14:1, 2) Bup Kudus nunjukka orang ke bepenemu-dalam mega berundingka pasal utai tu.—Bacha Pengajar 2:11.

Kati pengidup bisi tuju? Keterubah iya, kitai patut nanya, Baka ni pengidup mensia berengkah? Pengudah beratika pemanah chara untak enggau perengka tubuh kitai ke bukai digaga, mayuh orang pechaya bisi Penempa ti landik ngaga kitai. (Bacha Masmur 139:14.) Enti pia, Iya tentu bisi tuju ngaga kitai! Belajarka tuju tu ulih ngasuh pengidup kitai bisi agi reti.

Nama kebuah mensia digaga?

Petara merekatka dua iku mensia ti keterubah, lalu meri sida pengawa ti ngerinduka ati. Tuju Iya ngambika sida ulih ngemenuhka dunya, ngaga dunya nyadi paradais, lalu idup belama iya.—Bacha Pemungkal 1:28, 31.

Tuju Petara bedau nyadi laban mensia udah ngelaban kuasa merintah Iya. Tang Petara enda ninggalka kitai, lalu Iya enda ngubah tuju Iya ke kitai sereta tuju Iya ngaga dunya. Bup Kudus madahka Petara deka nyelamatka orang ke tetap ati, sereta ngamatka tuju Iya bekaul enggau dunya tu! Nya alai, Petara deka nuan ngasaika pengidup ti dikedekaka Iya tu! (Bacha Masmur 37:29.) Pelajarka meh chara nuan tau bulih penguntung ari utai ti dikedekaka Petara ari Bup Kudus.