Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  Julai 2015

Saut Tanya Pasal Bup Kudus

Saut Tanya Pasal Bup Kudus

Nama kebuah bisi penyai?

Sapa nguji ngasuh Jesus ngereja pengawa ti jai?—Matthew 4:8-10

Selalu iya orang dekaka pemaik, pengelurus enggau pemanah. Tang nama kebuah kitai suah meda penyai enggau pengawa ke enda lurus nyadi? Berita ke enda manah suah didinga. Kati bisi utai ke ngasuh orang nyadi jai?—Bacha 1 John 5:19.

Kati Petara ngaga mensia ngambika bisi pengingin ti jai? Enda. Petara Jehovah ngaga mensia neladan gamal Iya, iya nya bisi pengingin deka neladan pengerindu Petara. (Pemungkal 1:27; Jop 34:10) Tang Petara mega meri mensia peluang bibas milih. Lebuh mensia keterubah milih ngereja penyai, sida nulak teladan ari Petara, lalu enda sempurna agi. Kitai bulih pengingin deka ngereja penyai ari seduai iya.—Bacha Ulang Adat 32:4, 5.

Kati penyai deka seruran bisi?

Petara deka kitai nulak pengingin deka ngereja penyai. (Jaku Dalam 27:11) Nya alai, Iya ngajar kitai chara nyeliahka diri ari ngereja pengawa ti salah, sereta chara ngulihka pengelantang ti bendar. Tang ke diatu, kitai agi bedau ulih neladan pengerindu Petara enggau pemadu manah.—Bacha Masmur 32:8.

Taja pan diatu mayuh penyai, Petara semina nejuka iya nyadi enda lama aja, ngambika kitai meda penusah ke datai ketegal penyai. (2 Peter 3:7-9) Taja pia enda lama da agi, dunya deka penuh enggau orang ke gaga ati ngasika Petara.—Bacha Masmur 37:9-11.

 

Belajar Lebih Agi

BERITA MANAH ARI PETARA!

Nama Tuju Petara ka Dunya?

Bup Kudus bisi nerangka kebuah Petara nempa dunya tu, kemaya pemerinsa deka nadai agi, utai ke deka nyadi ba dunya enggau orang ke deka idup dia ila.