Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  April 2015

Saut Tanya Pasal Bup Kudus

Saut Tanya Pasal Bup Kudus

Nama peluang mensia ke jemah ila?

Baka ni pemati Jesus meri peluang ngagai mensia ngambika ibuhka diri sama diri?

Mensia endang terus deka ngaga pemansang ba sains. Tang, ulih sida ngaga mensia nyadi orang ke ibuhka diri sama diri? Enda. Kemaya hari tu, dunya kitai penuh enggau pengamu sereta orang ke berundingka diri empu. Tang, Petara bisi peluang ke manah agi ngagai semua mensia.—Bacha 2 Peter 3:13.

Jaku Petara nerangka jemah ila orang deka rinduka diri sama diri ba serata dunya. Orang deka idup likun, lalu nadai utai deka ngemedis sida.—Bacha Mikah 4:3, 4.

Baka ni ulah ke berundingka diri empu deka nadai agi?

Petara enda ngaga mensia ngambika bisi pengingin berundingka diri empu. Tang, ketegal enggai ngasika Petara, mensia keterubah lenyau pengidup ti sempurna. Kitai bulih pengingin berundingka diri empu ari mensia keterubah nya. Tang, Petara ngena Jesus mulaika baru pengidup mensia ti sempurna.—Bacha Rome 7:21, 24, 25.

Sejalai enggau peneka Petara, Jesus mati nyadi tebus, lalu muai pemai ke datai ari mensia keterubah ke enda ngasi. (Rome 5:19) Nya alai, Jesus meri peluang ti manah ke jemah ila. Maya nya, orang deka bibas ari pengingin berundingka diri empu ke ngasuh sida ngereja utai ti salah.—Bacha Masmur 37:9-11.