Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga (Edisi Dikena Belajar)  |  Julai 2016

 TOPIK RANDAU | BUP KUDUS—TAN BELAMA IYA

Kebuah Bup Kudus Tan Belama Iya

Kebuah Bup Kudus Tan Belama Iya

Bup Kudus ulih tan belama iya. Nya alai, nuan ulih ngembuan sereta macha iya kemaya hari tu. Lalu enti nuan milih salin Bup Kudus ke manah, nuan ulih pechaya, nuan macha Bup Kudus ke tau dikearap baka iya ke asal. * Tang nama kebuah Bup Kudus ulih tan ari rusak, balat disakal sereta pengawa ke sengaja deka ngubah pesan iya? Lalu nama kebuah iya ke ulih tan ari penanggul nya ngasuh kitai alit ati? Nama utai ke ngasuh Bup Kudus lain ari bup bukai?

“Diatu aku pechaya, Bup Kudus ke dikembuan aku nya pemeri ari Petara”

Mayuh pelajar Bup Kudus setuju enggau utai ke dipadah rasul Paul: ‘Semua Bup Kudus endang bepun ari Petara magang.’ (2 Timoti 3:16) Sida pechaya Bup Kudus ulih tan laban iya Jaku Petara, lalu Petara udah nyaga iya nyentuk ke diatu. Faizal ke disebut ba artikel ke sebedau tu, udah nya belajarka Bup Kudus laban iya deka mansik utai ke dipadah orang pasal Bup Kudus. Utai ke ditemu ngalitka ati iya. Enda lama udah nya, iya nemu mayuh utai ke diajar ba gerija, nadai dipadah dalam Bup Kudus. Nambahka nya, tuju Petara ke dipadah dalam Jaku Iya pasal dunya tu, ngerinduka ati iya.

Ku iya madahka: “Diatu aku pechaya, Bup Kudus ke dikembuan aku nya pemeri ari Petara. Nambahka nya, enti Petara ulih ngaga dunya raya, enda ke Iya bisi kuasa meri kitai siti bup, lalu nyaga iya ke kitai? Enti kitai enda nyebut baka nya, kitai enda ngaku kuasa Iya. Enda ngaku kuasa Iya ti Pemadu Bekuasa—sapa aku tu ke enggai ngaku kuasa Iya?”—Isaiah 40:8.

^ per. 3 Peda artikel “Bagaimana Memilih Terjemahan Alkitab yang Baik?” -IN kena 1 Mei 2008, dalam Menara Pengawal.

Belajar Lebih Agi

MENARA JAGA

Nama Kebuah Patut Meretika Bup Kudus?

Mayuh orang bebasaka Bup Kudus, tang enda nemu baka ni iya meri penguntung ngagai sida.