Terus ngagai penerang

Terus ngagai laman kedua

Terus ngagai Ripih Isi

Saksi-Saksi Jehovah

Iban

Menara Jaga  |  No. 2 2017

 TOPIK RANDAU | NAMA DIPADAH BUP KUDUS PASAL—MELIKAT

Kati Nuan Bisi Melikat Penyaga?

Kati Nuan Bisi Melikat Penyaga?

Bup Kudus nadai madahka tiap iku orang bisi melikat penyaga. Bisi sekali, Jesus madahka: ‘Bejimat kita, enggai ke kita mechat sida ke mit tu [bala murid Kristus]. Laban, aku madah ngagai kita, di serega din melikat sida endang seruran bediri di mua Apai aku di serega.’ (Matthew 18:10) Taja pia, ari ke ngumbai tiap iku orang bisi melikat penyaga, Jesus madahka bala melikat deka nulung tiap iku murid iya. Nya alai, bala penyembah ti bendar enda ngereja utai ti tau nganu nyawa ketegal ngumbai bala melikat Petara deka nyaga sida.

Kati reti nya bala melikat enda nulung mensia? Enda. (Masmur 91:11) Sekeda orang pechaya Petara udah meri melikat ngambika nyaga sereta ngiring sida. Kenneth, ke disebut ba pun artikel tadi, pechayaka utai tu. Utai ti dipechaya iya engka amat. Saksi-Saksi Jehovah suah meda bukti ke nunjukka bala melikat amat bisi nulung lebuh sida bejalaika pengawa nginjil. Taja pia, ketegal bala melikat enda ulih dipeda, kitai enda nemu naka ni Petara ngena sida nulung orang ba mayuh macham pekara. Taja pia, kitai patut beterima kasih ngagai Iya ti Pemadu Bekuasa ke semua utai ti udah disediaka Iya kena nyukung kitai.—Kolosi 3:15; James 1:17, 18.