Terus ngagai penerang

Terus ngagai Ripih Isi

Saksi-Saksi Jehovah

Pilih bansa jaku Iban

Nama Dipadah Bup Kudus?

Nama Dipadah Bup Kudus?

Sapa tauka nama reti Sitan?

KATI NUAN NGUMBAI Sitan nya . . .

  • Roh?

  • Utai jai ke bisi dalam orang?

  • Utai ke digambarka orang?

NAMA DIPADAH BUP KUDUS

Sitan bejaku sereta ‘nguji’ Jesus. (Matthew 4:1-4) Nya alai Sitan nya ukai utai ti digambarka, tauka utai jai ke bisi dalam orang. Sitan nya roh ti jai.

NAMA AGI ULIH DIPELAJARKA KITAI ARI BUP KUDUS?

  • Terubah, Sitan nya seiku melikat ti manah, tang udah nya iya “nadai kaul enggau pemendar.” (John 8:44) Iya nyadi pemula sereta ngelaban Petara.

  • Melikat ke bukai mega enggau Sitan ngelaban Petara.—Pemandang 12:9.

  • Sitan mampul runding orang ngambika sida enda pechaya iya amat bisi.—2 Korint 4:4.

Ulih Sitan bekuasa atas mensia?

SEKEDA ORANG NGUMBAI Sitan enda ulih bekuasa atas mensia, iya ke bukai takut dirasuk roh ti jai. Nama runding nuan?

NAMA DIPADAH BUP KUDUS

“Semua dunya di baruh kuasa Sitan.” (1 John 5:19) Sitan amat ulih bekuasa atas mensia, tang ukai semua mensia ulih di baruh kuasa iya.

NAMA AGI ULIH DIPELAJARKA KITAI ARI BUP KUDUS?

  • Sitan ngena pemula ngambika iya bekuasa agi.—2 Korint 11:14.

  • Ba sekeda pekara, roh ti jai ulih bekuasa atas mensia.—Matthew 12:22.

  • Enggau tulung ari Petara, nuan ulih mujur ngelaban Sitan.—James 4:7.